సెప్టెంబర్ 2…పవర్ స్టార్ అభిమానులకు పండగ రోజు. కానీ ఈసారి మరింత ప్రత్యేకంగా ఉండనుంది. ఎందుకంటే ఒకేసారి పవన్‌కి సంబంధించిన ఆరు సినిమాల అప్‌డేట్ రానుంది. వకీల్ సాబ్ తర్వాత క్రిష్ దర్శకత్వం హరిహర వీరమల్లు,హరీష్ శంకర్ కాంబినేషన్ లో సినిమాలు చేస్తున్నారు పవన్.
హరీష్ శంకర్ సినిమాకు సంబంధించి ఫస్ట్ లుక్, టైటిల్ విడుదల చేసే అవకాశం ఉండగా.. క్రిష్ హరిహర వీరమల్లు నుండి అప్ డేట్, స్టైలిష్ డైరెక్టర్ సురేందర్ రెడ్డి దర్శకత్వంలో మొదలయ్యే సినిమా అనౌన్స్ మెంట్ కూడా అదే రోజున వచ్చే అవకాశం ఉందని తెలుస్తుంది.
ఇక సాగర్ కె.చంద్ర దర్శకత్వంలో చేస్తున్న అయ్యప్పనుమ్ కోషియం రీమేక్ సినిమాకు సంబంధించి టైటిల్, ఫస్ట్ గ్లిమ్స్ ను ఆగస్టు 15న విడుదల అవుతున్నట్టు ఇప్పటికే అనౌన్స్ చేసిన సంగతి తెలిసిందే. ఈ రీమేక్ సినిమాను వచ్చే ఏడాది సంక్రాంతికి రిలీజ్ చేస్తున్నట్టు మేకర్స్ ప్రకటించగా.. సెప్టెంబర్ 2న పవన్ బర్త్ డే సందర్భంగా ఫస్ట్ సింగిల్‌ని రిలీజ్ చేయబోతున్నారట. మొత్తంగా ఈసారి పవన్ బర్త్ డే ఫ్యాన్స్‌కి స్పెషల్‌ కానుంది.
