గీతా ఆర్ట్స్ బ్యానర్లో యంగ్ హీరో విజయ్ దేవరకొండ ఓ సినిమా చేస్తున్న విషయం తెలిసిందే. విజయ్ హీరోగా.. ఛలో ఫేం హీరోయిన్ రష్మీక నందన కథానాయికగా నటిస్తోన్న గీత గోవిందం మూవీని పరుశురామ్ దర్శకత్వం వహిస్తున్నారు. ఈ సినిమా నుంచి విడుదలైన పోస్టర్, సాంగ్ ఇప్పటికే సినిమాపై ప్రేక్షకులలో ఆసక్తిని పెంచుతున్నా యి. ఇంకేం ఇంకే కావాలే అంటూ విడుదలైన సాంగ్ కుర్రకారులను ఆకట్టుకుంది. ఈ సాంగ్ తో కుర్రకారులను తనవైపు తిప్పుకున్నాడు విజయ్.
తాజాగా సినిమా టీజర్ ఈ నెల 22న ఉదయం 11 గంటలకు విడుదల చేయనున్నట్లు చిత్ర బృందం ఓ పోస్టర్ని విడుదల చేశారు. ఇందులో తన ప్రియురాలి.. బరువు బాధ్యతలు తనవే అంటూ సందేశం ఇచ్చేలా కథానాయికను ఎత్తుకున్నాడు. సోషల్ మీడియా ద్వారా విజయ్.. ఈ సినిమా గురించి ప్రస్తావిస్తూ సినిమాపై ఆసక్తిని పెంచుతున్నాడు. టీజర్ని విడుదల చేసి సినిమాపై మరింత ఆసక్తి పెంచేందుకు గీత గోవిందం టీం సిద్దం అవుతోంది.
ఇక యూత్లో విజయ్ దేవరకొండకు ఉన్న ఫ్యాన్ ఫాలోయింగ్ గురించి తెలిసిందే. ప్రత్యేకంగా ఆయన ఫ్యాన్స్ కోసం బట్టల బ్రాండ్ను ప్రారంభించారంటే.. విజయ్కి యూత్లో ఎంత ఫాలోయింగ్ ఉందో అర్థం చేసుకోవచ్చు. విజయ్ నుంచి వస్తోన్న మరో ప్రేమ కథా చిత్రం కావడంతో.. యూత్ ఆయన సినిమా కోసం ఆసక్తిగా ఎదురుచూస్తోంది. ఈ సినిమా ఆగస్ట్ 15న విడుదల చేయనున్నారు.
