విజయ్‌ దేవరకొండ, రష్మీక మందన్న హీరోయిన్లుగా గీతా ఆర్ట్స్‌ బ్యానర్‌లో పరుశరామ్‌ దర్శకత్వంలో తెరకెక్కిన చిత్రం గీతగోవిందం. ఆగస్టు 15 స్వాంత్రంత్య దినోత్సవం సందర్భంగా ప్రేక్షకుల ముందుకొచ్చిన ఈ మూవీ సూపర్‌ హిట్‌ టాక్‌తో దూసుకుపోతోంది. ఇప్పటికే ఆడిషన్స్‌ నుంచి మంచి రెస్పాన్స్‌ రావడంతో ఇప్పటికీ థియేటర్లలో హౌజ్‌ పుల్‌ అనే బోర్డులు దర్శనమిస్తున్నాయి. తెలుగు రాష్ట్రాల్లోనే కాదు.. ఓవర్‌సీస్‌ లో కూడా ఈ సినిమా రికార్డుల మోత మోగిస్తుంది.
గీత గోవిందం ఏకంగా రెండు మిలియన్‌ డాలర్లు వసూలు చేసింది. ఈ సినిమా ఓవరాల్‌గా 75 కోట్ల కలెక్షన్ల సునామి సృష్టించింది. రంగస్థలం, భరత్‌ అనే నేను, మహానటి తర్వాత ఎక్కువ కలెక్షన్లు రాబట్టిన సినిమాగా గీత గోవిందం నిలిచింది. పెళ్లి చూపులుతో తెలుగు చిత్ర పరిశ్రమలో మంచి విజయాన్ని అందుకున్న విజయ్‌రెడ్డి ఆ తర్వాత వచ్చిన అర్జున్‌ రెడ్డి సినిమాతో స్టార్‌ హీరోగా మారిపోయాడు. గీత గోవిందం సినిమాపై విడుదలకు ముందే ప్రేక్షకుల్లో మంచి అంచనాలు ఏర్పడ్డాయి. అనుకున్నట్టుగానే ఈ సినిమా మంచి విజయం సాధించడంతో విజయ్‌ దేవరకొండకు మరింత క్రేజ్‌ ఏర్పడింది.
ఇప్పుడు విజయ్‌కి ఫ్యాన్‌ ఫాలోయింగ్‌ మామూలుగా లేదు. ఎక్కడ చూసినా విజయ్‌ దేవరకొండ.. అర్జున్‌ రెడ్డి.. అంటూ అభిమాన సంఘాలు వెలుస్తున్నాయి. ఇప్పుడు ఎక్కడ చూసినా గీతగోవిందం హావానే కనిపిస్తుంది. ఈ సినిమా విడుదలై దాదాపు 10 రోజులు గడిచినప్పటికీ ఈ మూవీని చూడడానికి థియేటర్లలోకి జనం క్యూ కడుతూనే ఉన్నారు. ఈ మూవీలో పాటలు మంచి హిట్టవ్వడంతో పాటు హీరోయిన్‌ రష్మీక యాక్టింగ్‌ సినిమాకు ప్లస్‌ పాయింట్లుగా నిలిచాయి. ఇప్పటికే పలు రికార్డులను క్రియేట్‌ చేసిన ఈ మూవీ ముందు ముందు మరెన్ని రికార్డులను క్రియేట్‌ చేస్తుందో చూడాలి.
