రెండు తెలుగు రాష్ట్రాల్లోనూ గణేశ్‌ చతుర్థి హడావిడి మొదలైంది. ఇక చిన్నపిల్లలు కూడా వినాయక చవితిని ఎంతో ఆనందంతో సెలబ్రేట్‌ చేసుకుంటారు. ఈ క్రమంలో మెగాస్టార్ చిరంజీవి ఇంట్లో గణేష్‌ ఉత్సవాలు మిన్నంటాయి. ఇందుకు సంబంధించిన ఫొటోలను మెగాస్టార్ సోషల్ మీడియాలో షేర్ చేశారు. అందరికి వినాయక చవితి శుభాకాంక్షలు. ఆ విఘ్నేశ్వరుడి ఆశీస్సులతో జీవితాల్లో విఘ్నాలు తొలగి అందరికీ శుభములు కలగాలని ప్రార్థిస్తున్నాను. ఈ పండగ మాకు చాలా ప్రత్యేకమైనదని. ఎందుకంటే చిన్ని ‘క్లీన్‌ కారా’తో కలిసి తొలి వినాయక చవితి జరుపుకోవడం ఆనందంగా ఉందంటూ ట్వీట్ చేశారు.
మొత్తానికి తొలిసారిగా మెగా వారసురాలితో వినాయకచవితి చేసుకోవడంతో మెగా ఇంట్లో పండగ వాతావరణం నెలకొంది. పైగా మెగాస్టార్ చిరంజీవి గారాల పట్టి శ్రీజ కూతురు బుజ్జి గణనాథుడిని తయారుచేసింది. అది కూడా మట్టితో. తన చిట్టి చేతులతో ఎంతో శ్రద్ధగా, ఓపికతో విగ్రహాన్ని తయారుచేసింది. ఈ గణనాథుడినికే మెగా ఫ్యామిలీ ప్రత్యేక పూజలు నిర్వహించి.. అనంతరం స్వామి వారి ఆశీర్వాదం తీసుకున్నారు. ప్రస్తుతం దీనికి సంబంధించిన వీడియో సోషల్ మీడియాలో వైరలవుతోంది.
Also Read:పవన్ డైరెక్షన్ లో టీడీపీ ?
అన్నట్టు రామ్ చరణ్‌ కూడా ఇన్‌స్టాలో ‘అందరికీ వినాయక చవితి శుభాకాంక్షలు! ఆ విఘ్నేశ్వరుడి ఆశీస్సులతో జీవితాల్లో విఘ్నాలు తొలగి అందరికీ శుభములు కలగాలని ప్రార్థిస్తున్నాను! ఈ సారి ప్రత్యేకత.. చిన్ని ‘క్లిన్ కారా’ తో కలిసి తొలి వినాయక చవితి జరుపుకోవడం.’ అంటూ పోస్ట్ చేశారు.
