మెగా ప్రిన్స్ వ‌రుణ్ తేజ్ క‌థానాయ‌కుడిగా న‌టించిన యాక్ష‌న్ అండ్ ఎమోష‌న‌ల్‌ థ్రిల్ల‌ర్ ‘గాండీవధారి అర్జున’. ఈ సినిమాలో సాక్షి వైద్య హీరోయిన్‌గా నటించారు. స్టైలిష్ ఫిల్మ్ మేక‌ర్ ప్ర‌వీణ్ స‌త్తారు ఈ మూవీని తెర‌కెక్కించారు. శ్రీ వెంకటేశ్వర సినీ క్రియేషన్స్ నిర్మించిన ఈ సినిమా ఆగ‌స్ట్ 25న రిలీజ్ అయింది. బాక్సాఫీస్ వద్ద డిజాస్టర్‌గా నిలిచిన ఈ చిత్రం నెలరోజులలోపే ఓటీటీలోకి రానుంది.
ప్రముఖ ఓటీటీ ఫ్లాట్ ఫామ్ వేదికగా సెప్టెంబ‌ర్ 24 నుంచి స్ట్రీమింగ్ కానుంది. ఈ విష‌యాన్నిమేక‌ర్స్ సోష‌ల్ మీడియాలో వెల్లడించారు. సెప్టెంబరు 24న వ‌చ్చేది గాండీవధారి అర్జున సినిమానే కాదు ఓ ఏజెంట్‌ తెచ్చే ధైర్యం కూడా అని నెట్‌ఫ్లిక్స్ ఎక్స్ పేర్కొంది.
దేశ రక్షణ విషయంలో తలెత్తిన ఓ పెద్ద సమస్య నుంచి కాపాడటానికి అర్జున్ (వరుణ్‌తేజ్‌) చేసిన ప్రయత్నమెంటీ..? ఈ క్రమంలో అతనికి ఎదురైన సవాళ్లేమిటి? ఇంతకి అర్జున్ చేపట్టిన ఆపరేషన్‌ వెనకున్న లక్ష్యమేంటి అన్న నేపథ్యంలో సినిమా తెరకెక్కింది. మిక్కీ జే మేయర్‌ సంగీతం అందించగా విమలారామన్‌, నాజర్‌, వినయ్‌ రాయ్ త‌దిత‌రులు ఇత‌ర ప్రధాన పాత్రల్లో నటించారు.
Also Read:ఆసీస్ డేంజర్ గురూ.. జాగ్రత్త !
