ఈ అర్ధరాత్రి నుంచి ఓటీటీలో ‘గాలివాన’..

ప్రతి నెలా బ్యాక్ టు బ్యాక్ బ్లాక్‌బస్టర్ రిలీజ్‌లతో తెలుగు OTT ల్యాండ్‌స్కేప్‌లో బెంచ్‌మార్క్ సెట్ చేస్తోంది జీ5. ఇప్పటికే ఎన్నో సినిమాలు, వెబ్ సిరీస్ లను ప్రేక్షకులకు అందించిన జీ5… తాజాగా ‘గాలివాన’ వెబ్ సిరీస్ ను స్ట్రీమింగ్ చేయబోతోంది. ఈ అర్ధరాత్రి నుంచి స్ట్రీమింగ్ ప్రారంభం కాబోతోంది. ఈ సిరీస్ ను బీబీసీ స్టూడియోస్, నార్త్ స్టార్ ఎంటర్టైన్ మెంట్ సంయుక్తంగా నిర్మించారు.

కుటుంబ అనుబంధాలకు సంబంధించిన ఎమోషన్స్ తో ఈ వెబ్ సిరీస్‌ను తెరకెక్కించారు. క్వాలిటీ పరంగా ఈ వెబ్ సిరీస్ భారీగా కనిపిస్తోంది. మదర్ సెంటిమెంట్‌తో పాటు, క్రైమ్ థిల్లర్ అంశాలు ప్రేక్షకులను ఆకట్టుకుంటాయని మేకర్స్ తెలిపారు. ఈ వెబ్ సిరీస్‌లో రాధిక, సాయికుమార్ లతో పాటు చాందిని చౌదరి, చైతన్య కృష్ణ, అశ్రిత, శరణ్య ప్రదీప్, తాగుబోతు రమేశ్ తదితరులు నటించారు.