మెగాఫ్యామిలీలో ఉన్న అందరు హీరోలు చిరంజీవి నీడలోనే ఎదుగుతున్నారని, ఆయన వల్లే వారు తెలుగు సినీ ఇండస్ర్టీకి పరిచయమవుతున్నారని సినీ ప్రియులకు ఉన్నఅభిప్రాయం. కానీ దానికంటే ఎక్కువగా మరో విషయం ఎక్కువగా పాపులర్‌ అయిపోయింది. అదేంటంటే.. మెగా ఫ్యామిలీని గాడిలో పెట్టింది అల్లు అరవిందే అని. మెగాస్టార్‌ కెరియర్‌ని అలాగే అల్లు అర్జున్‌తో పాటు ఇతర మెగా హీరోల కెరియర్లని ఒక గాడిన పెట్టిందీ అరవింద్ అని బాగా ప్రచారంలో వుంది.
ఇందులో చిరూ నీడలోనే మెగా హీరోలు నడుస్తున్నారని అనుకుంటున్న మెగా ఫ్యాన్స్‌కి ఇది నమ్మసక్యం కాని విషయం. కానీ ఇలా మెగాహీరోలంతా అల్లు అరవింద్ వల్లే ఎదుగుతున్నారన్న వార్తలు ఎందుకొచ్చాయోగానీ, ఆ వార్తలు మెగాఫ్యాన్స్‌ని ఉక్కిరిబిక్కిరి చేశాయనే చెప్పాలి.
ఇండస్ట్రీలో కాకుండా అభిమానులు కూడా అల్లు అరవింద్ స్ట్రాటజీ గురించి గొప్పగా చెబుతూ వుంటారు. అయితే ఇప్పుడు ఆ అనుమానాలన్నింటికీ అల్లు అరవింద్ చెక్‌ పెట్టేశారు. ఇందులో తనకి ఎలాంటి క్రెడిట్‌ దక్కదని చెబుతున్నారు. కథల ఎంపికలో, కాంబినేషన్‌ సెట్టింగ్‌లో పూర్తిగా చిరంజీవిదే నిర్ణయమని చెప్పారు. అంతేకాదు తమ కుటుంబంలోని యువ హీరోలు కూడా చిరంజీవి మాటే వింటారని, ఆయన చెప్పిన సలహాలే పాటిస్తారని చెప్పుకొచ్చారు అరవింద్.
వాళ్లంతా చిరంజీవి వేసిన బాటలోనే నడుస్తున్నారని, మెగా హీరోలందరికీ చిరంజీవిగారే ఆద్యుడని అరవింద్ చెప్పారు. అయితే ఇలాంటి విషయాల్ని తానేమీ పట్టించుకోనని కూడా అల్లు అరవింద్ తేల్చేసారు. సో ఇదంతా గమనిస్తే.. చిరంజీవి వరుస బ్లాక్‌బస్టర్లు ఇవ్వడంలో, ఇప్పుడు అల్లు అర్జున్‌ అదే బాటన వెళ్లడంలో అరవింద్‌దేమీ లేదన్నమాట. అంతా చిరంజీవి వాళ్ల అదృష్టం కొద్దీ మంచి కథలు వారి దగ్గరకి వెళ్లడం, వాళ్లు రైట్‌ డెసిషన్స్‌ తీసుకుని ముందుకు సాగడం చిరు క్రెడిటే అన్నమాట!
