ఆఫ్గాన్ మాజీ పేసర్ జద్రాన్ మృతి

అరుదైన, ప్రాణాంతకమైన ‘హీమోఫాగోసైటిక్ లింఫోహిస్టియోసైటోసిస్’ (HLH) వ్యాధితో బాధపడుతున్న అఫ్గానిస్తాన్ ఫాస్ట్ బౌలర్ షాపూర్ జద్రాన్ తన 38వ ఏట కన్నుమూశారు. 2009 నుండి 2020 మధ్య కాలంలో అఫ్గానిస్తాన్ తరఫున 44 వన్డేలు, 36 టీ20లు ఆడారు. HLH అనేది రోగనిరోధక శక్తిని దెబ్బతీసే ఒక తీవ్రమైన హైపర్‌ఇన్‌ఫ్లమేటరీ సిండ్రోమ్. ఆయన మరణవార్తను అఫ్గానిస్తాన్ క్రికెట్ బోర్డు (ACB) ప్రకటించింది.

తీవ్ర విచారం మరియు హృదయపూర్వక దుఃఖంతో, అఫ్గానిస్తాన్ మాజీ ఫాస్ట్ బౌలర్ షాపూర్ జద్రాన్ మరణానికి అఫ్గానిస్తాన్ క్రికెట్ బోర్డు సంతాపం వ్యక్తంచేస్తోంది” అని ఏసీబీ ఎక్స్ లో రాసుకొచ్చింది. కొన్ని చిరస్మరణీయ విజయాలలో భాగమైన జద్రాన్, “అఫ్గానిస్తాన్ క్రికెట్‌కు పునాది వేసిన వ్యక్తులలో ఒకరు అని ఏసీబీ పేర్కొంది.

షాపూర్ జద్రాన్ అఫ్గానిస్తాన్ క్రికెట్ పునాది పురుషులలో ఒకరు. ఆయన అంకితభావం, అభిరుచి మరియు తిరుగులేని నిశ్చయత మన దేశంలో ఈ ఆట యొక్క ఎదుగుదలకు మరియు అభివృద్ధికి కీలక పాత్ర పోషించాయి అని ఏసీబీ తెలిపింది.

అఫ్గానిస్తాన్ ప్రారంభ క్రికెట్ ప్రయాణంలో కేంద్ర బిందువుగా నిలిచి, అఫ్గాన్ క్రికెట్‌ను అంతర్జాతీయ స్థాయికి తీసుకెళ్లే మార్గాన్ని సుగమం చేయడంలో సహాయపడిన గర్వించదగిన క్రికెటర్లలో ఆయన ఒకరు. షాపూర్ కేవలం అఫ్గానిస్తాన్‌లోనే కాకుండా ప్రపంచవ్యాప్తంగా ఉన్న ఎంతో మంది యువ క్రికెటర్లకు స్ఫూర్తిదాయకంగా నిలిచారని ఏసీబీ పేర్కొంది.

Also Read:వీడియో..రిల్స్ కోసం ప్రాణాలతో చెలగాటం