విక్ట‌రీ వెంక‌టేశ్, వరుణ్ తేజ్ లు క‌లిసి ఎఫ్ 2 మూవీలో న‌టిస్తున్న విష‌యం తెలిసిందే. ఈచిత్రాన్ని యువ ద‌ర్శ‌కుడు అనిల్ రావిపూడి తెర‌కెక్కిస్తున్నారు. మాస్ అండ్ కామెడీ ఎంట‌ర్ టైన‌ర్ గా ఈమూవీ తెర‌కెక్కుతోంది. ప్ర‌ముఖ నిర్మాత దిల్ రాజు నిర్మిస్తున్న ఈసినిమాలో వెంక‌టేశ్ స‌ర‌స‌న త‌మ‌న్నా, వరుణ్ తేజ్ స‌ర‌స‌న మెహ‌రిన్ న‌టిస్తున్నారు. ఈచిత్రంలో సీనియ‌ర్ న‌టుడు రాజేంద్ర‌ప్ర‌సాద్ కీల‌క పాత్ర‌లో క‌నిపించ‌నున్నాడు. వెంకీ, వరుణ్ తోడళ్లుళ్లుగా కనిపించనున్న ఈ చిత్రం ప్రేక్ష‌కుల‌కి మంచి ఎంట‌ర్‌టైన్‌మెంట్ అందిచ‌డం ఖాయం అంటున్నారు చిత్ర‌యూనిట్.
సంక్రాంతి సంద‌ర్భంగా జ‌న‌వ‌రి 12న ఈమూవీని విడుద‌ల చేయ‌నున్నారు. ఇప్ప‌టికే ఈసినిమాకు సంబంధించిన ప్ర‌మోష‌న్ కార్య‌క్ర‌మాలు కూడా నిర్వ‌హిస్తున్నారు. కొద్ది రోజుల క్రితం మూవీ నుంచి మొద‌టి సాంగ్ ను విడుద‌ల చేసిన విష‌యం తెలిసిందే. ఈమూవీకి ప్ర‌ముఖ సంగీత ద‌ర్శ‌కుడు దేవి శ్రీ ప్ర‌సాద్ సంగీతం అందిచాడు. తాజాగా శ్రీమ‌ణి లిరిక్స్ అందించిన ఎంతో ఫ‌న్ అనే లిరికల్ సాంగ్‌ని విడుద‌ల చేశారు.
