‘118’తో సూపర్ డూపర్ హిట్ సాధించిన నందమూరి క‌ల్యాణ్ రామ్ హీరోగా రూపొందుతోన్న చిత్రం `ఎంత మంచివాడ‌వురా`. మెహరీన్ కథానాయిక .శ్రీదేవి మూవీస్ అధినేత శివలెంక కృష్ణ ప్రసాద్ సమర్పణలో ఆదిత్య మ్యూజిక్ ఇండియా (ప్రైవేట్‌) లిమిటెడ్‌ నిర్మిస్తున్న చిత్ర‌మిది. ఉమేష్ గుప్త, సుభాష్ గుప్త నిర్మాత‌లు. ‘శతమానం భవతి ‘చిత్రంతో నేషనల్ అవార్డు గెలుచుకున్న స‌తీశ్ వేగేశ్న ద‌ర్శ‌క‌త్వం వ‌హిస్తున్నారు.
అయితే ఈ చిత్రాన్ని జనవరి 15న విడుదల చేయనున్నట్లు సమాచారం. ఆ మేరకు సంక్రాంతి విడుదల అని అందరి కంటే ముందే యూనిట్ ప్రకటనలు కూడా ఇచ్చింది. కానీ ఇప్పుడు పరిస్థితి చూస్తుంటే కళ్యాణ్ రామ్ రిస్క్‌లో ఉన్నట్టు కనిపిస్తోంది. ఎందుకంటే మహేష్‌,అల్లు అర్జున్‌ సినిమాలు కూడా సంక్రాంతికే విడుదల అవుతున్నాయి. మరి వారితో పోటీలో ఈ నందమూరి హీరో నెగ్గుతాడో లేదో అన్నదే సినీ వర్గాల్లో చర్చనీయంశం.
గతంలో సతీష్ వేగ్నేశ ఇదే తరహాలో శతమానం భవతితో చిరు బాలయ్య సినిమాలతో పోటీ పడి మరీ గెలిచాడు. కాని అప్పటి పరిస్థితులకు ఇప్పటికి చాలా తేడా ఉంది. ఆ సమయంలో శతమానం భవతికి దిల్ రాజు అనే నిర్మాణ దిగ్గజం అండగా నిలిచింది కాబట్టి మంచి రిలీజ్ సాధ్యమయ్యింది. కాని ఎంత మంచవాడవురాకు అంత సీన్ కనిపించడం లేదు. మరి ఈ మంచివాడు సంక్రాంతి బరిలో గెలుస్తాడో లేదో.. మరికొంతకాలం వేచిచూడాలి.
