త్వరలో ఈ ఆధార్ యాప్ లాంఛ్ కానుంది. ఈ యాప్ ద్వారా ఇకపై వినియోగదారులు తమ పేరు, నివాస చిరునామా, పుట్టిన తేది వంటి ముఖ్యమైన వ్యక్తిగత వివరాలను నేరుగా తమ స్మార్ట్ఫోన్ల ద్వారా అప్డేట్ చేసుకునే వీలు కలుగుతుంది.
ఈ అప్లికేషన్ను యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) రూపొందిస్తోంది. దీని ప్రధాన ఉద్దేశ్యం — ఆధార్ సేవా కేంద్రాలకు వెళ్లకుండానే వ్యక్తిగత వివరాలను ఆన్లైన్లో అప్డేట్ చేసుకోవడం. ఈ అప్లికేషన్ ద్వారా పేరు, చిరునామా, పుట్టిన తేది మరియు మరిన్ని వివరాలను సులభంగా సవరించుకోవచ్చు.
ఈ మొబైల్ అప్లికేషన్ ఈ ఏడాది చివరి నాటికి లాంచ్ అయ్యే అవకాశం ఉంది. ఆర్టిఫిషియల్ ఇంటెలిజెన్స్ (AI), ఫేస్ ID టెక్నాలజీతో కలిపి రూపొందించబడిన ఈ యాప్ ద్వారా వినియోగదారులు భద్రతతో కూడిన డిజిటల్ ఆధార్ సేవలను పొందగలరు.
UIDAI ఈ అప్లికేషన్ ద్వారా ప్రభుత్వ ప్రామాణిక వనరుల నుండి వినియోగదారుల డేటాను ఆటోమేటిక్గా తీసుకొచ్చే విధంగా ప్రణాళిక చేస్తోంది. ఇందులో బర్త్ సర్టిఫికెట్, పాన్ కార్డ్, పాస్పోర్ట్, డ్రైవింగ్ లైసెన్స్, పబ్లిక్ డిస్ట్రిబ్యూషన్ సిస్టమ్ (PDS) రేషన్ కార్డులు, MNREGA రికార్డులు ఉంటాయి. అదనంగా, విద్యుత్ బిల్లులు కూడా అడ్రెస్ వెరిఫికేషన్లో భాగంగా పొందుపరచబడవచ్చు.
ఎలక్ట్రానిక్స్ & ఇన్ఫర్మేషన్ టెక్నాలజీ మంత్రిత్వ శాఖ (MeitY) ఆధార్ ఆథెంటికేషన్ అభ్యర్థనల ఆమోద ప్రక్రియను సులభతరం చేసేందుకు ఆధార్ గుడ్ గవర్నెన్స్ పోర్టల్ను ప్రారంభించింది. ఈ ప్లాట్ఫారమ్ ద్వారా ఆధార్ సంబంధిత సేవల సామర్థ్యం, వినియోగదారులకు అనుకూలత పెరుగుతుందని భావిస్తున్నారు. ఇది మరింత సులభమైన యాక్సెస్తో పాటు సమగ్రతను కూడా పెంపొందిస్తుంది.
Also Read:ఫిరాయింపు ఎమ్మెల్యేలకు స్పీకర్ నోటీసులు