అమెరికా అధ్యక్షుడు డోనాల్డ్ ట్రంప్… ఇరాన్ రాజధాని టెహ్రాన్లో జరిగినట్లు చెప్పిన “భారీ దాడి”లో పలువురు ఇరాన్ సైనిక అధికారులు హతమైనట్లు పేర్కొన్నారు. సోషల్ మీడియాలో పోస్ట్ చేసిన ట్రంప్.. ఒక వీడియోను కూడా షేర్ చేశారు. ఆ వీడియోలో స్పష్టమైన దృశ్యాలు కనిపించకపోయినా, విమానాల శబ్దాలు, భారీ పేలుళ్ల శబ్దాలు వినిపిస్తున్నాయి.
ఇరాన్కు తప్పుదోవ పట్టించిన వారి సైనిక నాయకుల్లో చాలామంది ఈ భారీ దాడిలో హతమయ్యారు అని ట్రంప్ తన పోస్టులో పేర్కొన్నారు. అయితే ఈ ఘటనపై ఆయన మరిన్ని వివరాలు వెల్లడించలేదు.
ఈ వ్యాఖ్యలకంటే కొన్ని గంటల ముందే ట్రంప్ ఇరాన్కు గట్టి హెచ్చరిక జారీ చేశారు. ఏప్రిల్ 6లోగా ఒప్పందం కుదుర్చుకోవాలని లేదా Strait of Hormuzను తెరవాలని, లేనిపక్షంలో తీవ్రమైన పరిణామాలు ఎదుర్కోవాల్సి వస్తుందని తెలిపారు.
నేను ఇరాన్కు ఇచ్చిన గడువు గుర్తుంచుకోండి. ఇంకా 48 గంటలే ఉన్నాయి. లేదంటే ఘోర పరిణామాలు ఎదుర్కోవాల్సి ఉంటుంది అని ఆయన హెచ్చరించారు. ట్రంప్ అల్టిమేటంపై ఇరాన్ సైనిక నాయకత్వం తీవ్రంగా స్పందించింది. అమెరికా అధ్యక్షుడి వ్యాఖ్యలను అసంబద్ధంగా, అనుచితంగా ఖండించింది.
ఖతమ్ అల్-అన్బియా సెంట్రల్ హెడ్క్వార్టర్స్కు చెందిన సీనియర్ అధికారి అలీ అబ్దొల్లాహీ అలియాబాది, ట్రంప్ వ్యాఖ్యలు బలహీనత, అస్థిరతకు సంకేతమని విమర్శించారు.