ఇరాన్తో ఒప్పందం కుదరకపోతే ..అన్నింటినీ పేల్చివేస్తాను, చమురును స్వాధీనం చేసుకుంటాను అని హెచ్చరించిన ట్రంప్..అదేసమయంలో ఆ దేశంతో ఒప్పందం కుదిరే మంచి అవకాశముందని అన్నారు. ఇరాన్ తో శాంతి ఒప్పందం నేడు కొలిక్కిరావొచ్చని తెలిపారు. ఒకవేళ ఒప్పందం కుదరకపోతే ఇరాన్లోని విద్యుత్ ప్లాంట్లు, వంతెనలు ధ్వంసం చేస్తానని అన్నారు.
వాళ్లు త్వరగా ఒప్పందం చేయకపోతే, నేను అన్నింటినీ పేల్చివేయడం, చమురును స్వాధీనం చేసుకోవడం గురించి ఆలోచిస్తున్నాను అని చెప్పారు.ఇరాన్ స్ట్రైట్ ఆఫ్ హోర్ముజ్ను (Strait of Hormuz) తెరవకపోతే విద్యుత్ ప్లాంట్లు, వంతెనలను ధ్వంసం చేస్తానని హెచ్చరించారు. ఈ మార్గం ద్వారా ప్రపంచ చమురు సరఫరాలో దాదాపు 20% రవాణా జరుగుతుంది. ఈ ఘర్షణ ప్రారంభమైనప్పటి నుంచి ఇరాన్ ఈ కీలక మార్గాన్ని మూసివేసింది.దీనివల్ల ప్రపంచ ఆర్థిక వ్యవస్థకు అంతరాయం కలిగింది.
దీనికి ప్రతిగా, ట్రంప్ ఏప్రిల్ 6 వరకు ఇరాన్కు గడువు ఇచ్చారు.ఈ మార్గాన్ని తెరవకపోతే తీవ్ర పరిణామాలు ఎదుర్కోవాల్సి ఉంటుందని హెచ్చరించారు. అదే సమయంలో, అమెరికా సైన్యం ఇరాన్లో కూలిపోయిన F-15E స్ట్రైక్ ఈగిల్ యుద్ధ విమానం (F-15E Strike Eagle) లోని వెపన్స్ సిస్టమ్ ఆఫీసర్ (WSO) ను విజయవంతంగా రక్షించింది. ఈ ధైర్యవంతుడైన యోధుడు శత్రు ప్రాంతంలో పర్వతాల్లో దాక్కుని ఉన్నాడు. శత్రువులు అతనికి దగ్గర పడుతుండగా, మా సైన్యం అతని స్థితిని 24 గంటల పాటు గమనిస్తూ, రక్షణ కోసం కృషి చేసింది అని ట్రంప్ చెప్పారు.
Also Read:కొత్త కాన్సెప్ట్తో లవ్ ఇన్సూరెన్స్ కంపెనీ!