ఇరాన్పై సుంకాలు విధించే విస్తృత అధికారాలను తమకు ఇచ్చేలా రష్యా ఆంక్షల బిల్లును సవరించాలని అమెరికా అధ్యక్షుడు డోనాల్డ్ ట్రంప్ చట్టసభ్యులకు సూచించారు. అమెరికా సెనేట్ ఆమోదం పొంది….భారతదేశంతో సహా మరో నాలుగు దేశాలపై 100% వరకు సుంకాలు విధించే ప్రమాదం ఉన్న రష్యా ఆంక్షల బిల్లుపై బుధవారం అమెరికా అధ్యక్షుడు డోనాల్డ్ ట్రంప్ స్పందించారు. ఇరాన్పై కూడా సుంకాలు విధించేలా విస్తృత అధికారాలను తనకు కల్పించడానికి ఈ బిల్లులో మార్పులు చేయాలని ఆయన ప్రతిపాదించారు.
దివంగత సెనేటర్ లిండ్సే గ్రాహం రూపొందించిన ఈ ఆంక్షల బిల్లు మంగళవారం ముందడుగు వేసింది. ఉక్రెయిన్పై దండయాత్ర నేపథ్యంలో మాస్కోపై ఆర్థిక ఒత్తిడిని పెంచడమే ఈ బిల్లు ముఖ్య ఉద్దేశం. చైనా తర్వాత రష్యా నుండి అత్యధికంగా క్రూడ్ ఆయిల్ దిగుమతి చేసుకుంటున్న దేశంగా భారతదేశం రెండో స్థానంలో ఉంది.
రష్యా ఆంక్షల బిల్లును సవరించి ఇరాన్పై సుంకాలు విధించే విస్తృత అధికారాన్ని తనకు ఇవ్వాలని చట్టసభ్యులకు తెలిపారు. ఆయన చేసిన ఈ ప్రతిపాదన వల్ల హౌస్ ఆఫ్ రిప్రజెంటేటివ్స్కు వెళ్లే క్రమంలో ఈ బిల్లు ఆమోదం మరింత ఆలస్యమయ్యే అవకాశం ఉంది. నిజం చెప్పాలంటే ఇది అవసరం లేకపోవచ్చు. కానీ ఇది అవసరమైతే, రష్యాపై కేవలం ఆంక్షలు మాత్రమే కాకుండా ఇరాన్పై కూడా సుంకాలు (టారిఫ్లు) విధించే నిబంధనను జోడించాలని నేను కోరుకుంటున్నాను. ఇది చాలా ముఖ్యమని నేను భావిస్తున్నాను, లిండ్సే కూడా అదే కోరుకున్నారు” అని ఆయన అన్నారు.
సెనేట్లో 86-12 ఓట్ల తేడాతో ముందడుగు వేసిన ఈ బిల్లు, రష్యా అధికారులపై ఆంక్షలను ప్రతిపాదించడంతో పాటు రష్యా చమురు, గ్యాస్పై ఆధారపడటాన్ని తగ్గించడానికి భారతదేశం, చైనా, స్లొవేకియా, హంగేరీ మరియు అజర్బైజాన్లపై భారీగా సుంకాలు విధించే అధికారాన్ని అమెరికా అధ్యక్షుడికి కల్పిస్తుంది.ఈ చట్టం అమలులోకి వస్తే, రష్యా ఇంధనాన్ని ఎక్కువగా కొనుగోలు చేసే భారతదేశంతో సహా ఇతర దేశాలపై 100% వరకు సుంకాలను విధించేందుకు ట్రంప్కు అధికారం లభిస్తుంది. అలాగే, ఆ సుంకాలను తొలగించే విచక్షణాధికారం కూడా అధ్యక్షుడికే ఉంటుంది.
డెమొక్రాట్లలో చాలామంది రష్యాపై కఠిన ఆంక్షలను సమర్థిస్తున్నప్పటికీ, ట్రంప్కు సుంకాలు విధించే అధికారం ఇవ్వడం వల్ల దిగుమతి ఖర్చులు పెరుగుతాయని కొందరు ఆందోళన వ్యక్తం చేశారు. సెనేట్ మరియు ఆ తర్వాత సెప్టెంబర్లో సమావేశమయ్యే హౌస్ ఆఫ్ రిప్రజెంటేటివ్స్లో ఈ బిల్లు ఆమోదం పొందడానికి ఈ వ్యతిరేకత ప్రతిబంధకంగా మారవచ్చు.
కొందరు డెమొక్రాట్లు ఈ చర్యను వ్యతిరేకిస్తామని సూచించారు. ఇది చట్టంగా మారడానికి ముందు సెనేట్లో మరిన్ని ప్రక్రియలను పూర్తి చేసుకోవాల్సి ఉంటుంది. ఆ తర్వాత పరిశీలన కోసం హౌస్ ఆఫ్ రిప్రజెంటేటివ్స్కు వెళ్తుంది. రష్యా నుంచి ఇంధన కొనుగోళ్లు జరుపుతున్నందుకు న్యూఢిల్లీ “పుతిన్ యుద్ధానికి ఆర్థికంగా సహకరిస్తోందని” ఆరోపిస్తూ ఆ క్రమంలో ఆగస్టు 2025లో ట్రంప్ అదనంగా 25% సుంకాన్ని ప్రకటించినప్పుడు అమెరికా మొదటిసారిగా భారత్పై చర్యలు తీసుకుంది.
దీనితో భారతీయ వస్తువులపై మొత్తం సుంకం 50%కి పెరిగింది, ఇది చైనా మరియు బ్రెజిల్లపై విధించిన స్థాయికి సమానం. ఈ చర్య వాషింగ్టన్ మరియు న్యూఢిల్లీ మధ్య సంబంధాలను దెబ్బతీసింది.ద్వైపాక్షిక వాణిజ్య చర్చలు నిలిచిపోయాయి. అయితే ఫిబ్రవరిలో అమెరికా-ఇరాన్ యుద్ధం ప్రారంభమైన తర్వాత, హోర్ముజ్ జలసంధి మూసివేతతో అంతర్జాతీయ ఇంధన మార్కెట్లు ఒత్తిడికి గురై, భారత్ సహా ప్రపంచవ్యాప్తంగా ఇంధన సంక్షోభం ఏర్పడింది. దీనికి ప్రతిస్పందనగా అమెరికా రష్యా చమురుపై మినహాయింపు (వైవర్) ఇవ్వడంతో భారతదేశం మళ్లీ కొనుగోళ్లను ప్రారంభించింది.
ఈ బిల్లు ఆమోదం పొంది అమలులోకి వస్తే అది భారత్-అమెరికా సంబంధాలకు కొత్త సవాళ్లను సృష్టించవచ్చు. ప్రస్తుతం ఇరుదేశాలు ద్వైపాక్షిక వాణిజ్య ఒప్పందంపై చర్చలు జరుపుతున్నాయి, దీనివల్ల భారత ఎగుమతులపై మొత్తం సుంకం 18%కి తగ్గుతుందని భావిస్తున్నారు. ప్రస్తుతానికి ట్రంప్ పెంచిన సుంకాలను అమెరికా సుప్రీంకోర్టు కొట్టివేసిన తర్వాత అమెరికాలోకి ప్రవేశించే భారతీయ వస్తువులు 15% సుంకాన్ని ఎదుర్కొంటున్నాయి. అయితే ఇది తాత్కాలిక రేటు మాత్రమే మరియు జూలై 24తో ముగియనుంది.
Also Read:ఈ ప్రభుత్వాన్ని మార్చేస్తాం:అభిజిత్