గ్రీన్ ఇండియా ఛాలెంజ్ ఆధ్వర్యంలో శంకర్ పల్లి రోడ్ మిర్జాగుడాలోని ఏక్తా గ్రౌండ్‌లో ఆదివారం కోవిడ్ వారియర్స్ లైవ్ క్రికెట్ మ్యాచ్ జరిగింది. ఈ మ్యాచ్‌కు రాజ్యసభ సభ్యులు జోగినపల్లి సంతోష్ కుమార్ ముఖ్య అతిధిగా హాజరై ప్రారంభించారు.కరోనా సమయంలో నిర్విరామంగా సేవలందించిన డాక్టర్లు, సివిల్ సర్వీస్ అధికారులకు.. ఇళ్లకే పరిమితమైన సినీనటులకు మానసిక ప్రశాంతత కల్పించాలనే ఈ క్రికెట్ పోటీలు నిర్వహించారు.
ఈ పోటీల విజేతగా డాక్టర్ల జట్టు నిలిచింది. డాక్టర్ల జట్టుకు డాక్టర్ కార్తికేయ, సినీనటుల జట్టుకు తరుణ్, సివిల్ సర్వీస్ అధికారుల జట్టుకు సుమిత్ శర్మ (ఐఆర్‌ఎస్‌) కెప్టెన్లుగా వ్యహరించారు. ఈ సందర్భంగా మ్యాచ్‌కు ముందు ఆయా జట్ల సభ్యులు ఎంపీ సంతోశ్‌ కుమార్‌తో కలిసి మొక్కలు నాటారు. సుబ్బరాజు, చంద్రప్రియ సుబుద్ధి, డాక్టర్ దిరజ్, అడిషనల్ డీసీపీ సందీప్ , రాఘవ క్రికెట్ మ్యాచ్‌లకు సమన్వయ కర్తలుగా వ్యవహరించారు.
