మెగా ప్రిన్స్‌ వరుణ్ తేజ్ ,అందాల భామలు అదితి రావు హైదరి, లావణ్య త్రిపాఠి ప్రధాన పాత్రలలో తెరకెక్కిస్తున్న చిత్రం అంతరిక్షం. సంకల్ప్ రెడ్డి దర్శకత్వం వహిస్తున్న ఈ చిత్రం సైన్స్ ఫిక్షన్ నేపథ్యంలో శరవేగంగా షూటింగ్ జరుపుకుంటుంది. ఈ సినిమా లో వరుణ్ వ్యోమగామిగా కనిపించనున్నాడు. హాలీవుడ్ టెక్నీషియన్స్ ఈ సినిమాకి పని చేస్తుండగా, విజువల్ ఎఫెక్ట్స్ ఈ చిత్రంలో ఆకర్షణగా నిలవనున్నాయని అంటున్నారు. ఇదివరకే విడుదలైన టీజర్ సినిమాపై భారీ అంచనాలు పెంచింది. ఈ మూవీ డిసెంబర్ 21న విడుదల కానుంది.
తాజాగా ఈ చిత్రం నుండి దీపావళి కానుకగా ఆకట్టుకునే పోస్టర్‌ని రిలీజ్‌ చేసింది చిత్ర యూనిట్. ఈ పోస్టర్‌లో లావణ్య త్రిపాఠి – వరుణ్ తేజ్ పెయిర్ ఆకట్టుకుంది. ఆరున్నర అడుగుల ఆజానుభాహుడు ఆకాశం ఎత్తుకు ఎదిగాడా? అన్నంతగా వరుణ్ తేజ్ వైట్ అండ్ వైట్ డ్రెస్‌లో మెరిసిపోతున్నాడు. దీపాల కాంతిలో దివ్వెలు వెలిగిస్తూ సాంప్రదాయ దుస్తుల్లో లావణ్య త్రిపాఠి అంతే అందంగా కనిపిస్తోంది.
