రామ్ చరణ్, ఎన్టీఆర్ కథానాయకులుగా రాజమౌళి దర్శకత్వంలో తెరకెక్కుతున్న మూవీ ఆర్ఆర్ఆర్. ఈసినిమాలో చరణ్ కు జోడిగా బాలీవుడ్ హీరోయిన్ అలియా భట్ ను, ఎన్టీఆర్ కు జోడిగా హాలీవుడ్ హీరోయిన్ డైసీ ఎడ్గర్ జోన్స్ ను ఎంపిక చేశారు. అయితే కొన్ని వ్యక్తిగత కారణాల వల్ల ఈప్రాజెక్ట్ నుంచి తప్పుకుంది డైసీ ఎడ్గర్ జోన్స్..
దీంతో ఎన్టీఆర్ సరసన ఎవరిని తీసుకుందామనే ఆలోచనలో ఉన్నాడు దర్శకుడు రాజమౌళి. తాజాగా ఉన్న సమాచారం ప్రకారం సాహో హిరోయిన్ శ్రద్దా కపూర్, శ్రీదేవి కూతురు జాన్వీ కపూర్ ను సంప్రదించినట్టు తెలుస్తుంది. వారిద్దరిలో ఎవరో ఒకరిని తీసుకోవాలనుకుంటున్నారట దర్శకుడు రాజమౌళి. శ్రద్దా కపూర్ ప్రస్తుతం ప్రభాస్ సాహో మూవీలో నటిస్తుంది.
సాహోలో ఆమె షూటింగ్ దాదాపు పూర్తైపొయిందట. అందువలన ఆమెను ఈ సినిమాలోకి తీసుకోవాలనే ఉద్దేశంతో సంప్రదింపులు మొదలుపెట్టినట్టుగా సమాచారం. ఒక వేళ శ్రద్దా కపూర్ నో చెబితే జాన్వీ కపూర్ ను తీసుకోవాలని నిర్ణయించుకున్నారట రాజమౌళి. మరి రాజమౌళి మూవీలో నటించే అవకాశం ఇద్దరిలో ఎవరికి వస్తుందో చూడాలి.
