తెలంగాణ సీఎం కెసిఆర్ ప్రకటించిన సహాయక చర్యలతో తెలుగు చిత్ర పరిశ్రమ ఆనందిస్తోంది. మీ సాయంతో పరిశ్రమ మ‌ళ్ళీ పున‌ర్వైభ‌వాన్ని పొందుతుందన్నారు దర్శకుడు రాజమౌళి. ఈ మేరకు ట్విట్టర్‌లో ట్వీట్ చేసిన రాజమౌళి…ధన్యవాదాలు సార్ అని తెలిపారు.
తెలుగు చిత్ర పరిశ్రమ కోసం ప్రభుత్వం ఇటువంటి సహాయక చర్యలను తీసుకొస్తున్నందుకు మేము చాలా సంతోషిస్తున్నాము, ఈ కీలకమైన కాలంలో మీరు తీసుకున్న నిర్ణ‌యం చాలా గొప్ప‌ది . గౌరవనీయ తెలంగాణ సీఎం కేసీఆర్‌కు ధన్యవాదాలు అని పూరీ ట్వీట్ చేశారు.
కరోనా ప్రభావంతో సంక్షోభంలో కూరుకుపోయిన సినీరంగానికి చేయూతనందించేందుకు సీఎం కేసీఆర్ వ‌రాల జ‌ల్లు కురిపించిన సంగతి తెలిసిందే. యాజ‌మాన్యాలు నిర్ణ‌యించుకొని థియేట‌ర్స్ తెర‌చుకోవ‌చ్చ‌ని పిలుపునిచ్చిన సీఎం… చిన్న సినిమాలకు రాష్ట్ర జీఎస్టీ రీయింబర్స్‌మెంట్‌, సినిమా థియేటర్లకు విద్యుత్‌ కనీస డిమాండ్‌ ఛార్జీల రద్దు చేస్తున్న‌ట్టు పేర్కొన్నారు.దీంతో టాలీవుడ్ ప్రముఖులు హర్షం వ్యక్తం చేస్తున్నారు.
