ఎనర్జీటిక్ స్టార్ రామ్ దర్శకుడు పూరీ జగన్నాథ్ కాంబినేషన్ లో తెరకెక్కిన చిత్రం ఇస్మార్ట్ శంకర్. జులై 18న ఈసినిమా విడుదలైంది. ఈసినిమాకు ప్రేక్షకుల నుంచి మంచి స్పందన వస్తోంది. ఈసినిమా బాక్సాఫిస్ వద్ద భారీగా కలెక్షన్లను రాబడుతోంది. గత కొద్ది రోజులుగా ప్లాప్ లతో సతమతమవుతున్న పూరీ జగన్నాథ్ , రామ్ కు ఈసినిమాతో విజయాన్ని సాధించారు.
విడుదలైన మూడు రోజులకు ఈసినిమా 40కోట్లు వసూళ్లు సాధించింది. ఈసినిమా ప్రమోషన్స్ లో భాగంగా పలు ఇంటర్వూలలో పాల్గోంటున్నారు దర్శకుడు పూరీ జగన్నాథ్. ఈసందర్భంగా హీరో బాలకృష్ణ గురించి ప్రస్తావించాడు పూరీ. బాలకృష్ణ అంటే తనకు చాలా ఇష్టం అని చెప్పారు. చాలా మంది హీరోలతో సినిమాలు చేశాను..అందరితో చనువుగా ఉంటాను కానీ బాలకృష్ణతో మరింత క్లోజ్ గా ఉంటానని చెప్పారు.
బాలకృష్ణ దర్శకులకు చాలా విలువ ఇస్తారన్నారు. ఆయన ఇచ్చిన మాటకి కట్టుబడి ఉంటారని అందుకే తను అంటే చాలా ఇష్టం అని చెప్పారు. అభిమానులపై బాలకృష్ణ చేయి చేసుకుంటారనే విమర్శ వుంది. అభిమానుల పేరుతో మీద పడిపోయి విసిగించే వారిపై మాత్రమే ఆయన చేయి చేసుకుంటారని చెప్పారు.
