తమిళంలో డైరెక్టర్‌గా తనకంటూ ఓ ప్రత్యేక గుర్తింపును సంపాదించుకున్న దర్శకుడు అట్లీ కుమార్. తెలుగులో వచ్చిన ‘రాజా రాణి’, ‘అదిరింది’ వంటి సూపర్ హిట్ చిత్రాలకు దర్శకత్వం వహించిన అట్లీకుమార్ త్వరలో తెలుగులో ఓ స్టార్ హీరోతో ఓ సినిమా చేసేందుకు ప్రయత్నాలు జరుగుతున్నాయట.
టాలీవుడ్‌లో యంగ్ టైగర్ ఎన్టీఆర్ హీరోగా ప్రస్తుతం అగ్ర కథానాయకుల లీస్టులో ఒకరు. తన నటనతో ఎనలేని అభిమానులను సంపాదించుకున్న ఆయన ప్రస్తుతం మాటల మాంత్రికుడు త్రివిక్రమ్ డైరెక్షన్‌లో ‘అరవింద సమేత’ అనే సినిమాలో నటిస్తున్నారు. ఈ సినిమా ఫ్యాక్షన్ బ్యాక్ డ్రాప్‌లో తెరకెక్కుతున్న విషయం తెలిసిందే. కాగా అట్లీ కుమార్ డైరెక్షన్‌లో ఎన్టీఆర్‌తో ఓ సినిమా చేయనున్నారట. ఎన్టీఆర్‌తో రూపొందించే ఈ చిత్రాన్ని వచ్చే ఏడాది పట్టాలెక్కించినున్నట్లు వార్తలు వినిపిస్తున్నాయి.
ఇక అగ్రనిర్మాత అశ్వినీదత్ భారీ బడ్జెట్‌తో ఈ చిత్రాన్నితెరకెక్కించనున్నారని సమాచారం. ఇటీవల అలనాటి నటి సావిత్రి జీవిత కథ ఆధారంగా తెరకెక్కిన సినిమా ‘మహానటి.’ చాలా రోజుల తర్వాత ఈ సినిమాతో మంచి విజయాన్ని అందుకున్న ఆయన ఎన్టీఆర్ చిత్రాన్ని నిర్మించే ఆలోచనల్లో ఉన్నట్లు తెలుస్తోంది. మరి ఈ సినిమా ఎప్పుడు సెట్ప్‌పైకి వెళుతుందో చూడాలి మరి..!
