యువ ద‌ర్శ‌కుడు అనిల్ రావిపూడి ద‌ర్శ‌క‌త్వంలో తెర‌కెక్కుతోన్న మ‌ల్టీస్టార‌ర్ మూవీ ఎఫ్ 2. యంగ్ హీరో వ‌రుణ్ తేజ్, విక్ట‌రీ వెంకటేశ్ లు ఈచిత్రంలో న‌టిస్తున్నారు. వ‌రుణ్ తేజ్ స‌ర‌స‌న మెహ‌రిన్, వెంకటేశ్ స‌ర‌స‌న త‌మ‌న్నాలు హీరోయిన్ లు గా న‌టిస్తున్నారు. అనిల్ రావిపూడి తెర‌కెక్కించిన ప్ర‌తి చిత్రం మంచి విజ‌యాన్ని సాధించ‌డంతో ఈ మూవీపై కూడా భారీగా అంచ‌నాలు ఉన్నాయి. ప‌టాస్, సుప్రీమ్, రాజా ది గ్రేట్ ఇలాంటి చిత్రాల‌ను తెర‌కెక్కించి విజ‌యాన్ని సొంతం చేసుకున్నారు.
ప్ర‌తి సినిమాలోనూ కామెడీ ప్ర‌ధాన‌మైన పాత్ర పోషిస్తుంది. ఎఫ్ 2 మూవీ ఇటివ‌లే షూటింగ్ ను పూర్తి చేసుకుంది. తాజాగా ఈసినిమాకు సంబంధించిన టీజ‌ర్ ను ఈనెల 12న విడుద‌ల చేయ‌నున్నట్లు ప్ర‌క‌టించారు చిత్ర‌యూనిట్. ఈ విషయాన్ని అధికారికంగా ప్రకటిస్తూ ఒక పోస్టర్ ను కూడా వదిలారు. ప్ర‌ముఖ నిర్మాత దిల్ రాజు నిర్మిస్తోన్న ఈచిత్రాన్ని సంక్రాంతి పండుగ‌కు విడుద‌ల చేయ‌నున్నారు.
