టాలీవుడ్ లో ప్ర‌స్తుతం బ‌యోపిక్, మ‌ల్టిస్టార‌ర్ ల జోరు కొన‌సాగుతుంది. ప్ర‌స్తుతం వెంకటేశ్, వ‌రుణ్ తేజ్ కాంబినేష‌న్ లో ఎఫ్ 2 మూవీ తెరకెక్కుతుండ‌గా, నాగార్జున, నాని కాంబినేష‌న్ లో దేవ‌దాస్ అనే మూవీని చిత్రిక‌రిస్తున్నారు. అలాగే వెంకటేశ్, నాగ చైత‌న్య కాంబినేష‌న్ లో వెంకీమామ అనే సినిమాను రూపొందిస్తున్నారు. ప్ర‌స్తుతం ఈసినిమాలు షూటింగ్ జ‌రుగుతున్నాయి.
నాని, నాగార్జున న‌టించిన దేవ‌దాస్ చిత్రాన్ని యువ దర్శకుడు శ్రీరామ్ ఆదిత్య ద‌ర్శ‌క‌త్వం వ‌హించ‌గా…అశ్వినిద‌త్ నిర్మిస్తున్నారు. త్వ‌ర‌లోనే సెప్టెంబ‌ర్ లో ఈసినిమాకు విడుద‌ల చేసేందుకు స‌న్నాహాలు చేస్తున్నారు. ఇక వెంకటేశ్, వ‌రుణ్ తేజ్ ల కాంబినేష‌న్ లో వ‌స్తున్న సినిమాకు హ్యాట్రిక్ దర్శకుడు అనిల్ రావిపూడి ద‌ర్శ‌క‌త్వం వ‌హించ‌గా ప్రముఖ నిర్మాత దిల్ రాజు నిర్మాత‌గా వ్య‌వ‌హ‌రిస్తున్నారు. ఇక వెంకటేశ్, నాగ‌చైత‌న్య సినిమాకు దర్శకుడు బాబీ ద‌ర్శ‌క‌త్వం వ‌హించ‌నున్నారు.
ఇక ఇప్ప‌టికే రెండు మ‌ల్టిస్టార‌ర్ సినిమాలు తీసిన ప్రముఖ నిర్మాత దిల్ రాజు ముచ్చ‌ట‌గా మూడ‌వ మ‌ల్టీస్టార‌ర్ సినిమా చేయడానికి సిద్ద‌మ‌య్యాడ‌ని స‌మాచారం. దర్శకుడు ఇంద్ర‌గంటి మోహ‌న‌కృష్ణ‌తో ఓ సినిమా తీయ‌నున్న‌ట్లు తెలుస్తుంది. ఇటివ‌లే వ‌చ్చిన స‌మ్మోహ‌నం మూవీతో భారీ హిట్ ను త‌న ఖాతాలో వేసుకున్నాడు ఇంద్ర‌గంటి. త్వ‌ర‌లోనే హీరో, హీరోయిన్ల‌ను కూడా ప్ర‌క‌టించ‌నున్నార‌ని ఫిలిం వ‌ర్గాల స‌మ‌చారం. ఇక దిల్ రాజు గ‌తంలో తీసిన సీతమ్మవాకిట్లో సిరిమ‌ల్లే చెట్టు సినిమా తీసిన విష‌యం తెలిసిందే. స‌క్సెస్ పుల్ డైరెక్ట‌ర్ ల‌తో సినిమాలు తీసి భారీ విజ‌యాల‌ను సొంతం చేసుకుంటున్నాడు దిల్ రాజు.
