మలయాళ మెగాస్టార్ మమ్ముట్టి, తమిళ స్టార్ హీరో ధనుష్ మధ్య ఉన్న అనుబంధం గురించి ఆసక్తికర విషయాలు బయటపడ్డాయి. తనను చూడకుండా ధనుష్ నిద్ర కూడా పోలేడంటూ మమ్ముట్టి సరదాగా చేసిన వ్యాఖ్యలు ఇప్పుడు సినీ అభిమానులను ఆకట్టుకుంటున్నాయి. తొలుత తనకు దూరంగా ఉండే ధనుష్ను దగ్గరకు తీసుకుని హత్తుకున్నానని ఇప్పుడు తనపై ఎంతో అనుబంధం పెంచుకున్నాడని ఆయన నవ్వుతూ చెప్పారు.
ధనుష్, సాయిపల్లవి, మమ్ముట్టి ప్రధాన పాత్రల్లో నటిస్తున్న చిత్రం ‘ఓఎం’. ఈ సినిమాకు రాజ్కుమార్ పెరియసామి దర్శకత్వం వహిస్తున్నారు. నవంబర్ 20న ఈ చిత్రం ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్లలో భాగంగా నవంబర్ 15న కొచ్చిలో నిర్వహించిన ప్రీ రిలీజ్ ఈవెంట్లో చిత్ర బృందం పాల్గొంది. ఈ సందర్భంగా తమ షూటింగ్ అనుభవాలను, ఒకరితో మరొకరికి ఉన్న అనుబంధాన్ని నటీనటులు పంచుకున్నారు.
మమ్ముట్టితో కలిసి పనిచేయడం మొదట్లో తనకు కొంత ఒత్తిడిగా అనిపించిందని సాయిపల్లవి తెలిపారు. ఆయనకున్న గొప్ప నటనా వారసత్వం, అనుభవం కారణంగా ఆయన ముందు ఎలా నటించాలనే ఆలోచన ఉండేదన్నారు. ప్రేక్షకులు కూడా మమ్ముట్టిని అలాంటి సరదా కోణంలో చూడాలని కోరుకుంటున్నట్లు తెలిపారు.
ALso Read:రెండోసారి ICC చైర్మన్గా జై షా
ఈ సినిమా గురించి ధనుష్ మాట్లాడుతూ.. ఇది ఒక హీరో సినిమా కాదని, ఇందులో ఐదుగురు హీరోలు ఉన్నారని చెప్పారు. అయితే ఈ చిత్రంలో మొదటి హీరో మమ్ముట్టి అని ప్రత్యేకంగా ప్రశంసించారు. ఆయనలో ఉండే ఆకర్షణ, వ్యక్తిత్వం సహజంగా వస్తాయని, తమలాంటి నటులు అలాంటి స్థాయికి చేరుకోవడానికి ఎంతో కష్టపడాల్సి ఉంటుందని పేర్కొన్నారు.

