యంగ్ టైగర్ ఎన్టీఆర్ సినిమా అంటే పాటలు.. ఫైట్లు.. గ్లామర్.. వుండాలి. ఆపై కథ కథనాలు. ఇంతకీ, దేవర గా వస్తున్న ఎన్టీఆర్ కొత్త సినిమాలో ఎన్ని పాటలు వుంటాయి..?, ఎందుకంటే కొరటాల శివ అంటే చాలు మంచి పాటలు, అంతకన్నా మంచి చిత్రీకరణ వుంటుంది. ఇలాంటి ఆశలన్నీ పాన్ ఇండియా మూవీగా వచ్చే దేవర సినిమా మీద కూడా వున్నాయి. కానీ, ఈ సినిమాలో వుండే పాటలు ఎన్ని అన్నది పెద్ద ప్రశ్నగా వినిపిస్తోంది. మొదట్లో దేవర లో మొత్తం అయిదు పాటలు అని వినిపించింది. తరువాత నాలుగు అని వినిపించింది. కాదు, నాలుగు ప్లస్ విలన్ సైఫ్ అలీఖాన్ పై మరో బిట్ సాంగ్ కూడా ఉంది అని వార్తలు వినిపించాయి. మరోపక్క ఎన్టీఆర్ పైనే రెండు సోలో సాంగ్స్ ఉంటాయని అంటున్నారు.
ఈ నేపథ్యంలో దేవర సాంగ్స్ పై తారక్ ఫ్యాన్స్ కన్ ఫ్యూజ్ అవుతున్నారు. అసలు దేవర సినిమాలో ఎన్ని సాంగ్స్ పెట్టారు అంటూ సినిమా టీమ్ కి మెసేజ్ లు చేస్తున్నారు. ఐతే, ఇదే విషయం పై దర్శకుడు కొరటాల శివ ఫుల్ క్లారిటీ ఇచ్చారు. సినిమాలో నాలుగు పాటలు, ఓ బిట్ సాంగ్ మాత్రమే ఉంటాయని ఆయన చెప్పారు. పైగా వీటిలో మూడు సాంగ్స్, ప్లస్ ఓ బిట్ సాంగ్ చిత్రీకరించాము అని కూడా కొరటాల శివ చెప్పుకొచ్చాడు. ఎన్టీఆర్ – జాన్వీ కపూర్ ల పై మరో రొమాంటిక్ పాట తీయాల్సి వుందట. కానీ, విశ్వసనీయ వర్గాలు వేరుగా చెబుతున్నాయి. సినిమాలో మూడే పాటలు, ఓ బిట్ సాంగ్ వుంటుందట.
మిగిలిన పాటలు దేవర పార్ట్ 2 లో ఉంటాయని.. అసలు దేవర పార్ట్ 1 రెగ్యులర్ తెలుగు సినిమాలా ఉండదు అని, హాలీవుడ్ ఫార్మట్ లో ఉంటుందని.. ఇదే విషయాన్నీ దేవర టీమ్ చాలా సీక్రెట్ గా మెయింటైన్ చేస్తోందని ఇన్ సైడ్ టాక్. ఏది ఏమైనా కొరటాల శివ ఈ సారి బాగా కసి మీద ఉన్నాడు. గత సినిమా ప్లాప్ కారణంగా.. కొరటాల లో బాగా పట్టుదల పెరిగింది. ఎలాగైనా దేవర సినిమాని అద్భుతమైన హిట్ సినిమాగా మలచాలి అని కొరటాల శివ ఫిక్స్ అయ్యాడు. మరి ఆ రేంజ్ విజయాన్ని కొరటాల శివ సాధిస్తాడో లేదో చూడాలి.
Also Read:సిఎం రేవంత్ రెడ్డి డిల్లీ టూర్ రద్దు
