తొలి సినిమా ‘హీరో’తో ఆకట్టుకున్న యంగ్ హీరో అశోక్ గల్లా తన సెకెండ్ మూవీ ‘దేవకీ నందన వాసుదేవ’తో వస్తున్నారు. గుణ 369 అర్జున్ జంధ్యాల దర్శకత్వంలో, లలితాంబిక ప్రొడక్షన్స్ పతాకంపై సోమినేని బాలకృష్ణ నిర్మించారు. నల్లపనేని యామిని సమర్పిస్తున్నారు.
ఈ రోజు, రానా దగ్గుబాటి, సందీప్ కిషన్ కలిసి ఈ చిత్రం థియేట్రికల్ ట్రైలర్‌ను లాంచ్ చేసి అశోక్ గల్లా, టీంకి శుభాకాంక్షలు తెలిపారు. సుదర్శన చక్రాన్ని కలిగి ఉన్న భూమిపై ఉన్న ఏకైక వాసుదేవ విగ్రహం గురించి వివరిస్తూ పవర్ ఫుల్ వాయిస్‌ ఓవర్‌తో ట్రైలర్ ప్రారంభమవుతుంది. అశోక్ గల్లా తన యాక్షన్-ప్యాక్డ్ పాత్రలో ఇంటెన్స్ ఫైట్ సీన్ తో పరిచయం అయ్యారు. ఈ సంవత్సరం అతని జాతకంలో ప్రమాదం ఉన్నందున జాగ్రత్తగా ఉండాలని అతని తల్లి హెచ్చరిస్తుంది. అశోక్, మానస మధ్య వచ్చే సన్నివేశాలు కథకు రొమాన్స్ టచ్ యాడ్ చేశాయి.
మరొక వైపు తన సొంత మేనల్లుడు, తన సోదరి మూడవ కొడుకు నుండి ప్రాణహాని ఎదుర్కునే విలన్ రివిల్ అవుతాడు. మిగిలిన కథనం మంచి, చెడుల మధ్య యుద్ధంగా ఎపిక్ క్లాస్ ని సెట్ చేసింది. శ్రీ కృష్ణ భగవానుడి శక్తివంతమైన దర్శనాన్ని అందించే ఆధ్యాత్మిక టచ్‌తో ట్రైలర్ ముగుస్తుంది. ప్రశాంత్ వర్మ అందించిన గ్రిప్పింగ్ స్టోరీని కమర్షియల్ ఫార్మెట్‌లో ప్రజెంట్ చేశారు అర్జున్ జంధ్యాల. సాయిమాధవ్ బుర్రా రాసిన పవర్ ఫుల్ డైలాగ్స్ మాస్ ఆడియన్స్ ని ఆకట్టుకునేలా ఉన్నాయి. అశోక్ గల్లా తన పాత్రలో చూపించిన ట్రాన్స్ ఫర్మెషన్ , అతని కమాండింగ్ స్క్రీన్ ప్రెజెన్స్ ప్రత్యేకంగా నిలిచింది. వారణాసి మానస, అశోక్ లవ్ ఇంట్రస్ట్ గా బ్యూటీఫుల్ గా కనిపించారు. దేవదత్తా గజానన్ నాగే మెయిన్ విలన్ గా అద్భుతమైన నటనను ప్రదర్శించారు.
విజువల్స్ అత్యుత్తమంగా ఉన్నాయి, సినిమాటోగ్రాఫర్లు ప్రసాద్ మూరెళ్ల ,రసూల్ ఎల్లోర్ బ్రిలియంట్ వర్క్ అందించారు. భీమ్స్ సిసిరోలియో ఎలక్ట్రిఫైయింగ్ స్కోర్ కథని మరింత ఎలివేట్ చేసింది. లలితాంబిక ప్రొడక్షన్స్ నిర్మాణ విలువలు ఉన్నతంగా వున్నాయి. తమ్మిరాజు ఎడిటర్.ఈ ట్రైలర్ సినిమాపై భారీ అంచనాలు నెలకొల్పింది, దేవకి నందన వాసుదేవ నవంబర్ 22 న థియేటర్లలోకి రానుంది. ఈ సినిమా ప్రపంచవ్యాప్తంగా థియేట్రికల్ హక్కులను శంకర్ పిక్చర్స్ సొంతం చేసుకుంది.
ట్రైలర్ లాంచ్ ఈవెంట్ గల్లా జయదేవ్ మాట్లాడుతూ.. అందరికీ నమస్కారం. రానాకి థాంక్యూ. తను బిగినింగ్ నుంచి ఎంతో సపోర్ట్ గా ఉంటున్నారు. ప్రశాంత్ గారు ఫస్ట్ టైం వచ్చి ఈ కథ చెప్పినప్పుడు అశోక్ కి చాలా నచ్చింది. అప్పుడే ఫస్ట్ టైం నేను ప్రశాంత్ వర్మ గారిని పేరు విన్నాను. తర్వాత ఆయన కెరీర్ చూస్తున్నప్పుడు, హనుమాన్ లాంటి ఒక పెద్ద సక్సెస్ వచ్చినప్పుడు చాలా ఆనందంగా అనిపించింది. ఈ సినిమాకి ప్రశాంత్ వర్మ గారు అందించిన కథ చాలా ప్రత్యేకంగా నిలుస్తుంది. అంతా మంచి అవకాశం ఇచ్చిన ప్రశాంత్ వర్మ గారికి థాంక్యూ సో మచ్. డైరెక్టర్ అర్జున్, ప్రొడ్యూసర్ బాలకృష్ణ గారితో చాలా ప్యాషన్ తో ఈ సినిమా రూపొందించారు. వాళ్ళు ఎంత హార్డ్ వర్క్ చేశారో నేను చూశాను. ఒక ఛాలెంజ్ గా తీసుకొని ఈ సినిమా చేశారు. సినిమా చాలా అద్భుతంగా వచ్చింది. సినిమా కోసం ఆసక్తి ఎదురు చూస్తున్నాం. అశోక్ సెకండ్ సినిమా ఇది. ఫస్ట్ సినిమా కోవిడ్ సమయంలో రావడం కొంచెం ప్రాబ్లం అయింది.ఆ సినిమాకి కూడా చాలా మంచి ప్రశంసలు వచ్చాయి. తన పెర్ఫార్మన్స్ ని అందరూ మెచ్చుకున్నారు. ఫాదర్ గా నాకు చాలా ఆనందాన్ని ఇచ్చింది. ఈ సినిమాతో తను నెక్స్ట్ లెవెల్ కి వెళ్తారని ఆశిస్తున్నాను. అశోక్, మానస టీమ్ అందరికీ ఆల్ ద వెరీ బెస్ట్. ఈ సినిమా టీమ్ అందర్నీ కొత్త హైట్స్ కి తీసుకెళ్తుందని భావిస్తున్నాను. అందరికీ గుడ్ లక్. థాంక్యూ వెరీ మచ్’ అన్నారు.
హీరో రానా మాట్లాడుతూ.. అందరికీ నమస్కారం. సాయి మాధవ్ గారు నాకు రుణపడి ఉన్నాను అని చెప్పారు. కానీ నేనే ఆయనకి రుణపడి ఉన్నాను. నాకు కృష్ణం వందే జగద్గురుంతో ‘కృష్ణతత్వం’ అంటే ఏంటో నేర్పించింది ఆయనే. ఆయనని ఎప్పుడు కలిసిన ‘దేవుడంటే సాయం’ అనే ఒక లైన్ గుర్తు ఉంటుంది. ఆ ఒక్క పదం నా జీవితాన్ని మార్చేసింది. ఆ రోజు నుంచి నాకు వీలైన ఏ సహాయం చేయాలనుకున్న చేస్తాను. అంత మంచి తత్వాన్ని నేర్పించిన సాయి మాధవ్ గారికి థాంక్యూ సో మచ్. ప్రశాంత్ వర్మ అమేజింగ్ రైటర్ అండ్ డైరెక్టర్. మోడ్రన్ జనరేషన్ కి మైథాలజీ స్టోరీలు చెప్పడంలో మాస్టర్. ఈ కథని ఆయన రాయడం చాలా ఆనందంగా ఉంది. ఇది కృష్ణుడు, కంసుడు నుంచి స్ఫూర్తి పొంది రాసిన సోషల్ సినిమా అని తెలుస్తుంది. ఈ సినిమా డైరెక్టర్ అర్జున్ ప్రొడ్యూసర్ బాలకృష్ణ.. ఒకరు అర్జునుడు మరొకడు కృష్ణుడు. ఈ కాంబినేషన్లో వస్తున్న ఈ సినిమా డెఫినెట్ గా ఒక స్పెషల్ మూవీ అవుతుంది. మానస మన తెలుగు అమ్మాయి.తెలుగులో మాట్లాడే అమ్మాయిని హీరోయిన్ గా చూడటం చాలా ఆనందంగా ఉంది. ఈ వేడుకకి రావడానికి కారణం అశోక్. మహేష్ గారి డిసిప్లిన్ అండ్ సిన్సీయారిటీ, అశోక్ నాన్నగారైన జయదేవ్ గారి విజన్, ఎక్స్పోజర్.. ఈ రెండుంటే జీవితం అద్భుతంగా ఉంటుంది. అశోక్ కి ఆల్ ద వెరీ బెస్ట్. హీరో సినిమాలో తనను చూశాను. ఇప్పుడు ఈ ట్రైలర్ చూశాను. తనలో చాలా గ్రోత్ కనిపించింది. 22 నవంబర్ ఈ సినిమా థియేటర్స్లోకి వస్తుంది. సినిమాని ఎంజాయ్ చేయండి. టీం అందరికీ ఆల్ ది బెస్ట్’ అన్నారు.
Also Read:‘జీబ్రా’..సూపర్ హిట్ అవుతుంది: చిరంజీవి
