కోల్ కతాను చిత్తుచేసిన ఢిల్లీ..

ఐపీఎల్ 15 వ సీజన్‌లో భాగంగా కోల్ కతా వరుగా 5వ మ్యాచ్‌లో ఓటమి పాలైంది. ఢిల్లీతో జరిగిన మ్యాచ్‌లో ఓటమి పాలైంది కోల్ కతా. 147 పరుగుల లక్ష్యంతో బరిలోకి దిగిన ఢిల్లీ మరో నాలుగు వికెట్లు ఉండగానే లక్ష్యాన్ని చేధించింది. డేవిడ్‌ వార్నర్‌ (26 బంతుల్లో 8 ఫోర్లతో 42) అండగా నిలువగా, చివర్లో పావెల్‌ (16 బంతుల్లో 1 ఫోర్‌, 3 సిక్సర్లతో 33 నాటౌట్‌) తుఫాన్‌ ఇన్నింగ్స్‌తో ఆకట్టుకున్నాడు.

ముందుగా బ్యాటింగ్‌కు దిగిన కోల్‌కతా 20 ఓవర్లలో 9 వికెట్లకు 146 పరుగులు చేసింది. నితిశ్‌ రాణా (34 బంతుల్లో 3 ఫోర్లు, 4 సిక్సర్లతో 57) అర్ధసెంచరీ చేయగా కెప్టెన్‌ శ్రేయాస్‌ (37 బంతుల్లో 4 ఫోర్లతో 42) సహకరించాడు. ముస్తాఫిజుర్‌కు మూడు వికెట్లు దక్కాయి. మ్యాన్‌ ఆఫ్‌ ద మ్యాచ్‌గా కుల్దీప్‌ నిలిచాడు.