బాలీవుడ్ నటి దీపికా పదుకొణె శ్రీవారి దర్శనార్థం తిరుమలకు చేరుకున్నారు. అలిపిరి మెట్లమార్గం ద్వారా కాలినడకన ఆమె కొండపైకి వెళ్లారు. రాత్రి తిరుమలలోనే బస చేసి.. ఈ ఉదయం వీఐపీ బ్రేక్ సమయంలో శ్రీ వేంకటేశ్వర స్వామిని దర్శించుకున్నారు. కాగా, ప్రస్తుతం దీపికా తెలుగులో ప్రభాస్ కల్కి మూవీ షూటింగ్లో బిజీగా ఉన్నారు. అన్నట్టు దీపికా మరో క్రేజీ సినిమాలో కూడా నటించబోతుంది.
బాలీవుడ్ హీరో రణ్‌బీర్‌ కపూర్‌ హీరోగా నటించిన యానిమల్‌ చిత్రంలో రష్మిక మందన్న హీరోయిన్‌గా నటించిన విషయం తెలిసిందే. ఈ చిత్రం ఇటీవల విడుదలై రూ.600 కోట్లకు పైగా వసూళ్లు రాబట్టింది. దీంతో ఈ చిత్రానికి సీక్వెల్‌ రూపొందించడానికి సన్నాహాలు చేస్తున్నట్లు సమాచారం. ఇందులో దీపికా పదుకొణె నటించబోతున్నారని తెలుస్తోంది. ఈ సినిమాలో దీపికా పాత్ర చాలా బోల్డ్ గా ఉంటుందట.
ఈ సినిమాతో పాటు దీపికా లిస్ట్ లో ఎన్టీఆర్ సినిమా కూడా ఉంది. ప్రశాంత్ నీల్- ఎన్టీఆర్ సినిమా ఎప్పుడు స్టార్ట్ అవుతుందా ? అని ఎన్టీఆర్ ఫ్యాన్స్ ఆసక్తిగా ఎదురుచూస్తున్నారు. అయితే, ఈ సినిమాలో హీరోయిన్ గా దీపికా పదుకొనెను ఖరారు చేసినట్లుగా తెలుస్తోంది. ఈ సినిమాలో ఎన్టీఆర్ చేసే యాక్షన్ సీక్వెన్స్ లు చాలా గ్రాండ్ విజువల్స్ తో ఉంటాయట. సినిమా మొత్తంలోనే ఈ యాక్షన్ ఎపిసోడ్ లు మెయిన్ హైలైట్ గా ఉంటాయని తెలుస్తోంది. మొత్తానికి దీపికా పదుకొణె టైమ్ నడుస్తోంది. ఆమె కెరీర్ ఫుల్ స్వింగ్ లో నడుస్తోంది.
Also Read:సీతాఫలం తింటే ఎన్ని ప్రయోజనాలో!
