కరోనా లక్షణాలుంటే హోం ట్రీట్‌మెంట్ కిట్లు…

33
CS Somesh Kumar

ముఖ్యమంత్రి శ్రీ కె చంద్రశేఖర్ రావు ఆదేశాల మేరకు, ప్రధాన కార్యదర్శి సోమేష్ కుమార్ ఈ రోజు బిఆర్కెఆర్ భవన్ నుండి జిహెచ్ఎంసి ప్రాంతాలలో కోవిడ్ పై జోనల్ కమిషనర్లు మరియు జిహెచ్ఎంసి డిప్యూటీ కమిషనర్లతో టెలి-కాన్ఫరెన్స్ నిర్వహించారు.ప్రతి ప్రభుత్వ ఆసుపత్రి, పట్టణ ఆరోగ్య కేంద్రం మరియు బస్తీ దవాఖానాస్లలో జౌట్ పేషెంట్ క్లినిక్ కేంద్రాన్ని ప్రారంభించాలని చీఫ్ సెక్రటరీ డిప్యూటీ కమిషనర్లను ఆదేశించారు.కరోనా లక్షణం వున్న వ్యక్తులందరికీ వారికి హోం ట్రీట్ మెంట్ కిట్లను అందజేయాలని ఆయన ఆదేశించారు.

:టెలికాన్పరెన్సు సందర్భంగా తీసుకున్న నిర్ణయాలు :

• మున్సిపల్ స్టాఫ్,ఎఎన్ఎం మరియు కనీసం ఇద్దరు ఆశా కార్మికులతో బృందాలను ఏర్పాటు చేయాలి.

• జ్వరం మరియు ఇతర లక్షణాలతో బాధపడుతున్న వ్యక్తులను గుర్తించడానికి బృందాలు ఆ ప్రాంతంలోని ప్రతి ఇంటిని సందర్శించాలి. ఈ బృందాలు మెడిసిన్ కిట్లను అప్పగిస్తాయి. కరోనా రోగలక్షణాలున్న వ్యక్తులకు వాటిని ఎలాతీసుకోవాలో సలహా ఇస్తాయి. కరోనా రోగులను అనుసరిస్తూ వారి ఆరోగ్య పరిస్థితులను ఎప్పటికప్పుడు పర్యవేక్షిస్తారు.

• అన్ని ప్రభుత్వ ఆసుపత్రులు, పట్టణ ఆరోగ్య కేంద్రాలు మరియు బస్తీ దవాఖానాలలో పరిశుభ్రత డ్రైవ్ చేపట్టడం. దవాఖానాలో పరిశుభ్రమైన పరిస్థితులను నిర్వహించడానికి దవాఖానా ప్రాంగణాన్ని చీకటిప్రదేశాలు లేకుండా కాంతివంతంగా వుంచడానికి వైట్ వాషింగ్ మొదలైన చర్యలు చేపట్టాలి.

• అన్ని సర్కిల్‌లలో కోవిడ్ కేర్ సెంటర్లను ప్రారంభించాలి. ఈ సమావేశంలో … ఆరోగ్య శాఖ కార్యదర్శి ఎస్ ఎ ఎం రిజ్వి, జిహెచ్ఎంసి కమిషనర్ లోకేష్ కుమార్, వైద్య విద్య డైరెక్టర్ రమేష్ రెడ్డి, ప్రజారోగ్య డైరెక్టర్ జి.శ్రీనివాస్ రావు తదితరులు పాల్గొన్నారు.