కర్ణాటక కాంగ్రెస్లో విభేదాలు రోజురోజుకు ముదిరి పాకానపడుతుఉన్నాయి. కేబినెట్ విస్తరణపై సీనియర్ కాంగ్రెస్ ఎమ్మెల్యే టి.బి. జయచంద్ర బహిరంగంగా అసంతృప్తి వ్యక్తం చేయడం, నూతన మంత్రులకు పాలనా అనుభవం లేదని వ్యాఖ్యానించడం మరియు ముఖ్యమంత్రి డి.కె. శివకుమార్ నేతృత్వంలోని రాష్ట్ర ప్రభుత్వ తీరును ప్రశ్నించడంతో కర్ణాటక కాంగ్రెస్ విభాగంలో విభేదాలు బయటపడినట్లు కనిపిస్తోంది.
మంత్రివర్గంలో తరచూ చేస్తున్న మార్పులు ప్రజల్లో ప్రతికూల భావనను కలిగించాయని తన నియోజకవర్గ ప్రజలు మరియు మద్దతుదారులు తనను రాజీనామా చేసి ఈ ప్రభుత్వం నుండి బయటకు రావాలని కోరుతున్నారని జయచంద్ర తెలిపారు. పొరుగున ఉన్న తమిళనాడుతో కావేరీ వివాదం నిర్వహణపై కూడా ఆయన ప్రభుత్వాన్ని విమర్శించారు.
కేబినెట్ విస్తరణ తీరును ఈ రాష్ట్ర ఓటర్లు నా నియోజకవర్గ ఓటర్లు ప్రశ్నిస్తున్నారు. ఇది రాష్ట్రం కోసమా, కాంగ్రెస్ పార్టీ కోసమా లేదా మరేదానికైనా చేస్తున్నారా అని ప్రజలు ఇప్పుడు ప్రశ్నిస్తున్నారు” అని కర్ణాటక అసెంబ్లీలోని శిరా నియోజకవర్గానికి ప్రాతినిధ్యం వహిస్తున్న జయచంద్ర అన్నారు. ఇది కాంగ్రెస్ ప్రభుత్వంలా కనిపించడం లేదు; ఏదో ఆల్ పార్టీ (అన్ని పార్టీల) ప్రభుత్వంలా అనిపిస్తోంది. అనుభవరాహిత్యం, సామర్థ్యం లేకపోవడం వల్ల వారు పాలనలో విఫలమయ్యారు. కావేరీ వివాదం, ఇతర సమస్యలు, కరువు సమస్యల వంటి తీవ్రమైన సవాళ్లను రాష్ట్రం ఎదుర్కొంటోంది. వారు ఈ రాష్ట్రాన్ని సరిగ్గా నడపగలరా? అని ఆయన ప్రశ్నించారు.
కాంగ్రెస్లో చేరినప్పటి నుంచి గాంధీ కుటుంబానికి చెందిన నాలుగు తరాలను చూశానని జయచంద్ర చెప్పారు. సిద్ధరామయ్య రాజీనామా చేసి డి.కె. శివకుమార్ ముఖ్యమంత్రి కావడానికి మార్గం సుగమం చేసిన తర్వాత వారిద్దరి మద్దతుదారుల మధ్య సమతుల్యతను కాపాడటానికి ప్రయత్నిస్తున్న కాంగ్రెస్ పార్టీకి జయచంద్ర వ్యాఖ్యలు సమస్యగా మారే అవకాశం ఉంది.దాదాపు 56 సంవత్సరాల క్రితం కాంగ్రెస్లో చేరాను. 1978లో ఎమ్మెల్యే అయ్యాను… ఎమ్మెల్యేగా ఇది నా 49వ సంవత్సరం. నా ఎన్నికల ప్రచారం కోసం ఇందిరా గాంధీ, రాజీవ్ గాంధీ, సోనియా గాంధీ, రాహుల్ గాంధీ వచ్చారు. వీరందరి హయాంలో ఎమ్మెల్యేగా ఉంటూ నాలుగు తరాలను చూశాను అని తెలిపారు. ఖర్గే తర్వాత కర్ణాటకలో అత్యంత సీనియర్ నాయకుడిని నేనే…అయినప్పటికీ, నా నియోజకవర్గ ఓటర్ల ఆకాంక్షలను, నా అనుభవాన్ని వారు ఉపయోగించుకోలేకపోతున్నారు. నేను ఢిల్లీలో కూడా నిజాయితీగా సేవ చేశాను అని ఆవేదన వ్యక్తం చేశారు.
Also Read:MEA:320 మంది భారతీయులు మిస్సింగ్