పంచాయతీ ఎన్నికల షెడ్యూల్ రిలీజ్ అయింది. మూడు దశల్లో ఎన్నికలు నిర్వహిస్తామని ఈసీ ప్రకటించింది. అయితే రాష్ట్ర ఎన్నికల సంఘం ప్రకటించిన స్థానిక సంస్థల ఎన్నికల షెడ్యూల్ గందరగోళంగా ఉందనే విమర్శలు వినిపిస్తున్నాయి. ముఖ్యంగా, పోలింగ్ జరిగిన రోజే ఫలితాలు ప్రకటించడం మిగిలిన దశల పోలింగ్పై తీవ్ర ప్రభావం చూపే అవకాశం ఉందని రాజకీయ విశ్లేషకులు అభిప్రాయపడుతున్నారు.
ఒక దశ ఫలితాలు వెంటనే ప్రకటించడం వలన, గెలుపోటముల ఆధారంగా తర్వాతి దశలలో ఓటర్లు ప్రలోభాలకు గురయ్యే లేదా మొగ్గు చూపే అవకాశం ఉంది.ఒక ప్రాంతంలో విజయం సాధించిన పార్టీలు లేదా వర్గాలు, తర్వాతి దశ ఎన్నికలలో ఓటర్లను ప్రభావితం చేయడానికి లేదా ప్రలోభ పెట్టడానికి అధికంగా ఖర్చు చేసే అవకాశం ఉంది.
ఈ ఎన్నికలలో అధికారికంగా పార్టీ గుర్తులు లేనప్పటికీ, పోటీ చేసే అభ్యర్థులు ఏదో ఒక రాజకీయ పార్టీకి చెందిన వారే కాబట్టి, తొలి దశల్లో ఏ పార్టీ మద్దతుదారులు గెలిచారనే ఫలితం తర్వాతి దశ పోలింగ్పై స్పష్టమైన ప్రభావాన్ని చూపుతుంది. ఈ నేపథ్యంలో, ఎన్నికల షెడ్యూల్ను సమీక్షించాలని కోరుతున్నారు.
Also Read:మూడు దశల్లో గ్రామపంచాయతీ ఎన్నికలు