ప్రభాస్ హీరోగా తెర‌కెక్కిన సినిమా మిస్ట‌ర్ ప‌ర్‌ఫెక్ట్. ఈ సినిమా అప్ప‌ట్లో మంచి సక్సెస్‌గా నిలిచింది. అయితే దిల్‌రాజు ప్రొడక్ష‌న్‌లో వచ్చిన ఈ సినిమా స్టోరీ తో ఇప్పుడు చిక్కుల్లో పడ్డాడు దిల్ రాజు.
ఈ సినిమా స్టోరి త‌ను రాసుకున్న ‘నా మ‌న‌స్సు నిన్న కోరె’ అనే న‌వ‌ల నుంచి కాపీ పొట్టారు అని ఆ న‌వ‌ల ర‌చ‌యిత్రి శ్యామ‌తలారాణి మాదాపూర్ పోలీస్ స్టేష‌న్‌లో ఫిర్యాదు చేశారు.
దీంతో పోలీసులు స‌ద‌రు నిర్మాతపై కాపీ రైట్స్ చ‌ట్టాల కింద కేసులు నమోదు చేసి, ద‌ర్యాప్తు జ‌రుపుతున్నారు. ‘మిస్ట‌ర్ ప‌ర్‌ఫెక్ట్’ సినిమా ఏప్రిల్‌ 2011లో విడుద‌లైంది. దశరథ్‌ దర్శకత్వం వహించిన ఈ సినిమాలో ప్రభాస్ స‌ర‌స‌న కాజల్‌, తాప్సీ న‌టించారు.
డార్లింగ్ సినిమా త‌రువాత ప్రభాస్ మిస్ట‌ర్ ఫ‌ర్‌ఫెక్ట్ సినిమాలో న‌టించాడు. ఆ స‌మ‌యంలో వ‌రుస ప్లాప్‌ల‌తో ఉన్న ప్రభాస్.. ఈ రెండు సినిమాలు హిట్ కావ‌డంతో మ‌ళ్లీ హిట్ల బాట‌ప‌ట్టిన సంగతి తెలిసిందే.
