ఆసియాకప్‌ను భారత్ కైవసం చేసుకున్న సంగతి తెలిసిందే. చివరి బంతి వరకూ అత్యంత రసవత్తరంగా సాగిన ఫైనల్ మ్యాచ్‌లో మూడు వికెట్ల తేడాతో బంగ్లాదేశ్‌పై టీమిండియా విజయం సాధించింది. టోర్నీ ఆద్యంతం అత్యుత్తమ ప్రదర్శన కనబర్చిన భారత జట్టు.. ఫైనల్‌లో కాస్త తడబడినా చివరకు ఆ ఒత్తిడిని జయించి కప్‌ను గెలిచింది. ఈ సందర్భంగా టీమిండియాను పలువురు ప్రముఖులు అభినందించారు.
ఈ నేపథ్యంలో తెలంగాణ ముఖ్యమంత్రి కె.చంద్రశేఖర్ రావు భారత క్రికెట్ జట్టు ఆసియా కప్ టైటిల్ సాధించడం పట్ల హర్షం వ్యక్తం చేశారు. ఆసియా కప్‌లో ఒక్క మ్యాచ్ కూడా ఓడిపోకుండా విజేతగా నిలవడం అరుదైన విజయంగా అభివర్ణించారు. భారత జట్టు అన్ని రంగాల్లో రాణించిందని ప్రశంసించారు. ఇదే స్ఫూర్తితో రానున్న మ్యాచ్‌లలో విజయాలు సాధించాలని ఆకాంక్షించారు. ఆసియా కప్‌ను కైవసం చేసుకోవడం భారత్‌కు గర్వించదగ్గ విషయమని కేటీఆర్ ట్వీట్ ద్వారా వారి అభినందనలు తెలిపారు.
Hon'ble CM Sri K. Chandrashekar Rao congratulated and expressed happiness over Team India winning #AsiaCup2018 title. CM in a message has stated that becoming a winner without losing a single match in the Asia Cup is a rare phenomenon. pic.twitter.com/HQ81z2hmi2
— Telangana CMO (@TelanganaCMO) September 29, 2018
A great game of cricket exhibited at Asia Cup Finals. Congratulations to Indian Cricket Team on winning the #AsiaCup2018. This is a proud moment for the nation. pic.twitter.com/cUD1SmDTll
— Minister for IT, Industries, MA & UD, Telangana (@MinisterKTR) September 29, 2018
