గురువారం నార్కట్ పల్లిలో నకిరేకల్ ఎమ్మెల్యే చిరుమర్తి లింగయ్య తండ్రి నరసింహ దశదిన కర్మ కార్యక్రమానికి ముఖ్యమంత్రి కె. చంద్రశేఖర రావు హాజరయ్యారు. ఈ సందర్భంగా కేసీఆర్ నరసింహ చిత్ర పటానికి శ్రద్ధాంజలి ఘటించి పూలతో నివాళి అర్పించారు. శోకతప్తులైన ఎమ్మెల్యే చిరుమర్తి లింగయ్య కుటుంబ సభ్యులను సీఎం కేసీఆర్ ఓదార్చారు. ఈ కార్యక్రమానికి హాజరైన స్థానిక ప్రజలను సీఎం పలకరించారు. అనంతరం ఎమ్మెల్యే నివాసంలో ఏర్పాటు చేసిన సహపంక్తి భోజన కార్యక్రమంలో పాల్గొన్నారు.
ఈ కార్యక్రమంలో మంత్రులు కేటీఆర్,జగదీశ్ రెడ్డి, కొప్పుల ఈశ్వర్,ఎర్రబెల్లి దయకర్ రావు, మండలి చైర్మన్ గుత్తా సుఖేందర్ రెడ్డి,ఎమ్మెల్సీలు పల్లా రాజేశ్వర్ రెడ్డి, గోరెటి వెంకన్న, కోటిరెడ్డి, తక్కెళ్ళపల్లి రవీందర్ రావు, ఎమ్మెల్యేలు గాదరి కిషోర్, కంచర్ల భూపాల్ రెడ్డి, సైదిరెడ్డి, భాస్కరరావు, భగత్, పైళ్ళ శేఖర్ రెడ్డి, బొల్లం మల్లయ్య యాదవ్, రవీంద్ర నాయక్, ఎంపీలు డాక్టర్ రంజిత్ రెడ్డి, బడుగుల లింగయ్య యాదవ్, టిఆర్ఎస్ నాయకులు పొంగులేటి శ్రీనివాస్ రెడ్డి, మాజీ మంత్రి మోత్కుపల్లి నర్సింహులు, తెలంగాణ రాష్ట్ర గొర్రెలు, మేకల అభివృద్ధి సంస్థ ఛైర్మన్ దూదిమెట్ల బాలరాజు యాదవ్, తదితరులు పాల్గొన్నారు.
