అహ్మద్ పటేల్ మృతి….సీఎం కేసీఆర్ సంతాపం

కాంగ్రెస్ పార్టీ సీనియర్ నాయకుడు, రాజ్యసభ సభ్యుడు అహ్మద్ పటేల్ మరణం పట్ల ముఖ్యమంత్రి కేసీఆర్ తీవ్ర దిగ్భ్రాంతి వ్యక్తం చేశారు. అహ్మద్ పటేల్ తో తనకున్న అనుబంధాన్ని గుర్తు చేసుకున్నారు. ఆయన కుటుంబ సభ్యులకు ప్రగాఢ సానుభూతి తెలిపారు.

కాంగ్రెస్ పార్టీ సీనియర్ నేత,ట్రబుల్ షూటర్‌ అహ్మద్ పటేల్ కరోనాతో మృతి చెందారు. అక్టోబర్ 1న కరోనా బారీన పడిన ఆయన అప్పటినుండి గురుగ్రామ్‌లోని ఓ ఆస్పత్రిలో చికిత్సపొందుతున్నారు. అయితే పరిస్ధితి విషమించడం,చికిత్సకు ఆయన అవయవాలు సహకరించకపోవడంతో ఇవాళ ఉదయం 3.30 గంటలకు మృతి చెందారు.మొదటిసారిగా 1977లో లోక్‌సభకు ఎన్నికయ్యారు. 1989 వరకు మూడుసార్లు ఎంపీ ఎన్నికల్లో విజయం సాధించారు. 1993 నుంచి రాజసభ్య సభ్యునిగా కొనసాగుతున్నారు