‘బ్రో డాడీ’రీమేక్‌లో చిరు..!

మోహన్‌లాల్, పృథ్వీరాజ్‌ సుకుమారన్‌ల కాంబోలో తెరకెక్కిన మలయాళ సూపర్‌ హిట్‌ చిత్రం ‘బ్రో డాడీ’.ఈ మూవీని ఇప్పుడు తెలుగు రీమేక్‌ చేయనున్నట్లు సమాచారం. ఇటీవల ఓటీటీలో విడుదలైన ఈ సినిమాకు మంచి స్పందన లభించింది. ఈ సినిమా తెలుగులో రీమేక్‌ కానుందని, ఇందులో మోహన్‌లాల్‌ చేసిన పాత్రను తెలుగులో మెగాస్టార్‌ చిరంజీవి చేయనున్నారనే టాక్‌ వినిపిస్తోంది.

రెండు సంపన్న కుటుంబాల మధ్య సాగే పంతాలు, పట్టింపుల నేపథ్యంలో ‘బ్రో డాడీ’ కథనం సాగుతుంది. ఇదిలా ఉంటే.. ‘గాడ్‌ఫాదర్‌’తో పాటు చిరంజీవి ప్రస్తుతం ‘బోళాశంకర్‌’ అనే చిత్రం చేస్తున్నారు. ఈ ‘బోళా శంకర్‌’ తమిళ హిట్‌ ‘వేదాళం’కు తెలుగు రీమేక్‌ అని తెలిసిందే. మరి.. ‘బ్రో డాడీ’ రీమేక్‌కి చిరు ఓకే అంటారా..లేదా అనేది వేచిచూడాలి.