టాలీవుడ్ లో మెగాస్టార్ చిరంజీవికి ఉండే క్రేజ్ గురించి ఎంత చెప్పిన తక్కువే అవుతుంది. ఒకప్పుడు మెగాస్టార్ సినిమా వస్తుందంటే థియేటర్ల వద్ద పండుగ వాతావరణం కనిపించేది. కానీ ఇప్పుడు అలాంటి పరిస్థితి ఉందా అంటే సమాధానం చెప్పడం కష్టమే. క్రేజ్ పరంగా చిరు ఇమేజ్ చెక్కు చెదరనప్పటికి ఆయన చేస్తున్న మూవీస్ పరంగా ఆయన క్రేజ్ తగ్గుతోందా అంటే అవుననే సంధానాలు వినిపిస్తున్నాయి. ఖైదీ నెంబర్ 150 మూవీతో సినిమాల్లోకి రీఎంట్రీ ఇచ్చిన చిరు ఆ మూవీతో తన క్రేజ్ ఎప్పటికీ చెరిగిపోదని నిరూపించారు. అది రీమేక్ సినిమానే అయినప్పటికి.. ఆ సినిమా అంతా పెద్ద హిట్ కావడానికి ప్రధాన కారణం చిరుకు ఉన్న ఇమేజే..
ఇక ఆ తరువాత సైరా నరసింహ రెడ్డి తో పాన్ ఇండియా పై ఫోకస్ చేసినప్పటికీ తెలుగులో మాత్రం మంచి వసూళ్లనే రాబట్టింది. ఆ తరువాత వచ్చిన ఆచార్య అతిపెద్ద డిజాస్టర్ అయినప్పటికి అది డైరెక్టర్ ఖాతాలో పడింది. ఇక ఆ తరువాత మళ్ళీ గాడ్ ఫాదర్ అంటూ మరో రీమేక్ సినిమాతో ప్రేక్షకుల ముందుకు వచ్చాడు. ఈ మూవీ కూడా అభిమానులను నిరాశపరిచింది. ఆ తరువాత వాల్తేరు వీరయ్య మూవీతో హిట్ కొట్టినప్పటికి మళ్ళీ వెంటనే భోళా శంకర్ మూవీతో కెరియర్ బిగ్గెస్ట్ డిజాస్టర్ ఇచ్చారు.
దీంతో చిరు స్టోరీ సెలక్షన్ పై ఆయన అభిమానులు సైతం పెదవి విరుస్తున్నారు. మెగాస్టార్ ఇలాగే రీమేక్ సినిమాలనే నమ్ముకుంటే ఆయన క్రేజ్ ను ఆయనే నాశనం చేసుకుంటున్నారనే టాక్ ఇండస్ట్రీ వర్గాలలో వినిపిస్తోంది. ప్రస్తుతం థియేటర్స్ లో ఉన్న భోళాశంకర్ డిస్ట్రిబ్యూటర్స్ కు భారీ నష్టాలు మిగిల్చే దిశగా అడుగులు వేస్తోంది. ఈ మూవీ సంగతి అటుంచితే చిరు నెక్స్ట్ చేయబోయే మూవీ కూడా రీమేక్ మూవీనే అనే టాక్ బయటకు రావడంతో ఇకనైనా రీమేక్ మూవీస్ చేయడం ఆపండి బాస్ అంటూ ఆయన అభిమానులు మెగాస్టార్ చిరంజీవిని కోరుతున్నారు. మరి చిరు నెక్స్ట్ ఎలాంటి మూవీతో ఆడియన్స్ ముందుకు వస్తారో చూడాలి.
Also Read;CM KCR:తెలంగాణ ఆచరిస్తుంది…దేశం అనుసరిస్తుంది
