రంగస్థలం ప్రీరిలీజ్ ఈవెంట్‌ ఆదివారం(మార్చి 18) విశాఖలోని ఆర్కే బీచ్‌ లో జరిగిన విషయం తెలిసిందే. మెగా అభిమానుల మధ్య సందడిగా ఈ ఈవెంట్‌, ట్రైలర్‌ లాంచ్‌ కార్యక్రమాలు జరిగాయి. అయితే ఈవెంట్‌ లో పాల్గొన్న చిరంజీవి ప్రసంగిస్తూ.. రంగస్థలంలోని ట్విస్ట్ ని చెప్పేశాడు.
ఇప్పటివరకూ ‘రంగస్థలం’ పూర్తిగా పల్లెటూరు నేపథ్యంలో సాగే కథగానే ప్రేక్షకులకి తెలుసు. ఇక ట్రైలర్‌ రిలీజ్‌ అయిన తర్వాత ఈ సినిమా లో రాజకీయ నేపథ్యం కూడా ఉంటుందని తెలుస్తోంది. కానీ ఈ సినిమాలో..కుమార్‌ బాబు(ఆది) చనిపోతాడన్న ట్విస్ట్ ని తాను ప్రసంగిస్తున్న క్రమంలోనే బయటపెట్టేశాడు చిరు.
ఈ సినిమాని ఇప్పటికే చూశానని, ఇందులో ఉన్న ప్రతీ సన్నివేశం అభిమాలును అలరిస్తుందని, ఆర్టిస్ట్‌గా చరణ్ ని చూసి అసూయపడుతున్నానని, అలాగే తండ్రిగా గర్వపడుతున్నట్టు ఉద్వేగంగా చెప్పుకొచ్చాడు చిరంజీవి. ఇక కుమార్‌ బాబు చనిపోతే చిట్టిబాబు ఏంచేస్తాడన్న విషయం వేరే చెప్పాల్సిన పనిలేదు.
అయితే ఇక్కడ మరో విషయం కూడా తెలిసిపోయింది. హాట్‌ యాంకర్‌ అనసూయ కూడా ఈ సినిమాలో కనిపించనుందట. రంగమ్మత్త క్యారెక్టర్‌ లో అను నటించినట్లు తెలుస్తోంది. గతంలో ఇదే విషయాన్ని అడగ్గా అలాంటిదేమీ లేదని దాటేసింది. కానీ ఇప్పుడది నిజమేనని తేలిపోయింది.
