సూపర్ స్టార్ రజనీకాంత్ కు ప్రపంచ వ్యాప్తంగా ఫ్యాన్స్‌ ఉన్న సంగతి తెలిసిందే. రజనీ సినిమా రీలీజ్‌ అయిదంటే చాలు ఫ్యాన్‌కి పండగే. అలాంటి సూపర్‌స్టార్‌ తాజా చిత్రం ‘కాలా’. ఈ సినిమా వచ్చే నేలలో విడుదలకు సిద్దంగా ఉంది. కబాలి సినిమాను తెరకెక్కించిన డైరెక్టర్ రంజిత్ పా ఈ సినిమాకు దర్శకత్వం వహిస్తున్నాడు.
అయితే ఎప్పటినుండో రజనీతో సినిమా తీయాలని ఎంతో మంది పెద్ద దర్శకులు ఎదురు చూస్తున్నా.. వారికి కాకుండా కాలాతో రంజిత్ పాకు మరో అవకాశం ఇవ్వడం విశేషం. గత సినిమా ‘కబాలి’లో డాన్‌ పాత్ర పోషించిన తలైవా ఈ సినిమాలో కూడా డాన్‌ పాత్రలో కనిపించనున్నాడు. ఈ సినిమాలో రజనీ లుక్ .. అభిమానులలో ఒక రేంజ్ లో ఆసక్తిని రేకెత్తిస్తోంది.
రజనీ అల్లుడు ధనుష్ నిర్మించిన ఈ సినిమా థియేట్రికల్ హక్కులను లైకా ప్రొడక్షన్స్ వారు 125 కోట్లకు కొనుగోలు చేశారు. ఈ నేపథ్యంలో ఈ సినిమా శాటిలైట్ హక్కులకు భారీస్థాయిలో పోటీ ఏర్పడిందట. కోలీవుడ్ సర్కిల్స్ లో వినిపిస్తున్న సమాచారాన్ని బట్టి కాలా శాటిలైట్ హక్కులను తెలుగు – తమిళ్ – హింది మూడు బాషలకు కలిపి హోల్ సేల్ గా 75 కోట్లకు స్టార్ టీవీ వారు దక్కించుకున్నట్టు తాజా సమాచారం. ఏప్రిల్ 27వ తేదీన ఈ సినిమాను భారీస్థాయిలో విడుదల చేయనున్నారు.
