మహేష్‌బాబు రకుల్‌ ప్రీత్‌ సింగ్ హీరో హీరోయిన్లుగా మురుగదాస్‌ డైరెక్షన్‌లో తెరకెక్కిన చిత్రం స్పైడర్‌ ఈ సినిమా ఈ నెల 27వ తేదీన ప్రేక్షకుల ముందుకు రాబోతోంది. ఇప్పటికే ఈ సినిమా ఆడియోకు ప్రేక్షకుల నుంచి మంచి రెస్పాన్స్‌ వస్తోంది. ఈ సినిమా ట్రైలర్‌ను త్వరలో విడుదల చేయనున్నారు. అయితే ఈ ట్రైలర్‌కు పోటిగా తమన్నా రాబోతున్నట్టు తెలుస్తోంది. తమన్నా ఏంటి.. స్పైడర్‌ ట్రైలర్‌కు పోటీగా రావడం ఏంటి అని అనుకుంటున్నారా..? అవునుండి మీరు విన్నది నిజమే… ఎన్టీఆర్‌ తాజాగా నటించిన చిత్రం జై లవకుశ.
ఈ చిత్రంలో ఎన్టీఆర్‌తో తమన్నా ఓ ఐటెం సాంగ్‌లో ఆడిపాడింది. ఈ సాంగ్ టీజర్‌ను స్పైడర్‌ మూవీ ట్రైలర్‌ రోజున విడుదల చేయాలని జైలవకుశ మూవీ టీం భావిస్తున్నట్టు తెలుస్తోంది. మహేష్ బాబు, ఎన్టీఆర్‌ లు తాజాగా నటించిన ఈ రెండు సినిమాలు త్వరలో ప్రేక్షకుల ముందుకు రాబోతున్నాయి. దసరాకు బరిలో నిలుస్తున్న ఈ రెండు సినిమాల్లో ప్రేక్షకులు ఏసినిమాను ఆదరిస్తారో చూడాలి.
