బీఎస్ఎన్ఎల్ బంపర్‌ ఆఫ‌ర్..

రిల‌యెన్స్ జియో దెబ్బ‌కు ఒక్కో టెలికాం ఆప‌రేట‌ర్ దిగొస్తోంది. త‌మ వినియోగదారులు జారిపోకుండా చూసుకునేందుకు టెలికాం కంపెనీలు రోజుకో ఆఫర్ ను ప్రవేశపెడుతున్నాయి. ఇప్ప‌టికే వొడాఫోన్‌, ఎయిర్‌టెల్, ఐడియా ప‌లు ఆఫ‌ర్ల‌తో ఆక‌ర్షిస్తుండ‌గా.. తాజాగా ప్ర‌భుత్వ రంగ సంస్థ బీఎస్ఎన్ఎల్ కూడా ఓ సూప‌ర్ ఆఫ‌ర్ ప్ర‌క‌టించింది.

ప్రభుత్వ రంగ టెలికాం సంస్థ బీఎస్ఎన్ఎల్ తన ప్రీపెయిడ్ కస్టమర్ల కోసం ఓ బంపర్ ఆఫర్‌ను ప్రకటించింది. రూ.1,999 కి ఓ నూతన ప్రీపెయిడ్ ప్లాన్‌ను ప్రవేశపెట్టింది. ఈ ప్లాన్‌లో కస్టమర్లకు రోజుకు 2 జీబీ డేటా లభిస్తుంది. అన్‌లిమిటెడ్ కాల్స్, రోజుకు 100 ఎస్‌ఎంఎస్‌లు లభిస్తాయి. ఈ ప్లాన్ వాలిడిటీని 365 రోజులుగా నిర్ణయించారు. దీంతో మొత్తం అన్ని రోజులకు గాను 730 జీబీ డేటా వస్తుంది.

అయితే ఈ ప్లాన్ ప్రస్తుతం తమిళనాడు సర్కిల్ వినియోగదారులకు మాత్రమే లభిస్తున్నది. ప్రమోషనల్ ఆఫర్ కింద ఈ ప్లాన్‌ను ప్రవేశపెట్టారు. త్వరలో ఇతర సర్కిల్స్‌లోనూ ఈ ప్లాన్‌ను లాంచ్ చేసే యోచనలో బీఎస్‌ఎన్‌ఎల్ అధికారులు ఉన్నారు. ఇక జియోలో రూ.1,999 ప్లాన్‌కు 125 జీబీ డేటా వస్తుంది. ఈ ప్లాన్ వాలిడిటీ 180 రోజులుగా ఉండగా దీనికి పోటీగా బీఎస్‌ఎన్‌ఎల్ రూ.1,999 ప్లాన్‌ను ప్రవేశపెట్టింది.