పవర్ స్టార్ పవన్ కళ్యాణ్, సుప్రీం హీరో సాయిధరమ్ తేజ్ కలిసి నటించిన ‘బ్రో’ సినిమా భారీ అంచనాల మధ్య ఈరోజు విడుదలైంది. పలుచోట్ల బెనిఫిట్ షోలు ప్రదర్శించారు. పవన్, తేజ్ కాంబో స్క్రీన్‌పై అదిరింది. ఫస్ట్ హాఫ్ బాగుంది. సెకండ్ హాఫ్‌లో కొన్ని సన్నివేశాలు అంతగా ఆకట్టుకోలేదని కొందరు
అభిప్రాయపడుతున్నారు. సెకండాఫ్‌లో కొన్ని సీన్లు సాగదీసినట్లుగా అనిపిస్తాయి. కొన్ని చోట్ల ఎమోషన్ కూడా పండలేదు. అలాగే హీరోయిన్లకు కూడా తగినంత ప్రాధాన్యం లేకపోవడం కూడా మైనస్ అయింది.
కాకపోతే సినిమాలో పవన్ కళ్యాణ్ మేనరిజం, కామెడీతో ఫస్టాఫ్‌ ఆసక్తిగా సాగడం సినిమాకి బాగా ప్లస్ కానుంది. అన్నట్టు ఈ సినిమా డిజిటల్ స్ట్రీమింగ్ రైట్స్‌ను ప్రముఖ ఓటీటీ సంస్థ నెట్‌ఫ్లిక్స్ భారీ ధరకు కొన్నట్లు తెలుస్తోంది. అంతేకాదు ఈ సినిమా విడుదలైన ఎనిమిది వారాలకు స్ట్రీమింగ్‌కు రానుందని సమాచారం. ఇక ఈ సినిమా శాటిలైట్ రైట్స్ మాత్రం జీ తెలుగు దక్కించుకుందంట. మొత్తానికి బ్రో సినిమాకి థియేటర్ రెవెన్యూతో పాటు శాటిలైట్, అండ్ డిజిటల్ రైట్స్ రెవెన్యూ కూడా బాగానే గిట్టుబాటు అయింది. ఇదిలా ఉంటే ‘బ్రో’ సినిమాలో స్పెషల్ సాంగ్‌లో నటించింది ఊర్వశి రౌటేలా.
Also Read:CM KCR:31న రాష్ట్ర కేబినెట్ భేటీ..
ఈ సినిమా రిలీజ్ కానున్న నేపథ్యంలో ఈ బ్యూటీ చేసిన ట్వీట్ వివాదస్పదమవుతోంది. ట్వీట్‌లో ‘ఏపీ గౌరవ సీఎం పవన్ కళ్యాణ్ నటించడం చాలా సంతోషంగా ఉంది’ అని ఆమె పేర్కొంది. ఈ ట్వీట్‌తో జనసైనికులు సంతోషం వ్యక్తం చేస్తుండగా వైసీపీ అనుకూల యూజర్లు నెగెటివ్ కామెంట్స్ పెడుతున్నారు. ఏపీ పై పెద్దగా అవగాహన లేకుండా ఊర్వశి రౌటేలా ఇలా ట్వీట్ చేసింది. వైసీపీ అనుకూల యూజర్ల దెబ్బకు ఆమెకు విషయం అర్థం అయ్యేలా ఉంది.
Also Read:ఫోన్ బ్యాటరీ లైఫ్ ను పెంచే చిట్కాలు!
