మెగాస్టార్ చిరంజీవి నటించిన ‘వాల్తేరు వీరయ్య’ జనవరి 13న సంక్రాంతి కానుకగా విడుదల కానుంది. ఇప్పటికే పాటలకు సూపర్బ్ రెస్పాన్స్ దక్కుతుంది. రిలీజ్ కి ఇంకొన్ని రోజులే ఉండటంతో దర్శకుడు బాబీ మీడియాతో ముచ్చటించాడు. ఈ సందర్భంగా సినిమా టైటిల్ వెనుక ఓ ఇంట్రెస్టింగ్ సెంటిమెంట్‌ను చెప్పుకొచ్చాడు బాబీ.
‘‘యాగంటిలో వెంకీ మామ షూటింగ్‌ చేస్తున్నాం. దక్షిణాఫ్రికా నుండి నాజర్ గారి స్నేహితుడు వచ్చి నాకు ఒక పుస్తకాన్ని బహుమతిగా ఇచ్చాడు. దక్షిణాఫ్రికాకు సంబంధించిన పుస్తకంలో నాకు వీరయ్య అనే తెలుగు పేరు దొరికింది. ఓ గుడిలో పేరు వచ్చింది కదా ఆ టైటిల్ తో ఓ సినిమా తీయాలనుకున్నాను”. “తర్వాత ఒక అభిమాని నాకు ఒక వీడియో పంపాడు, అందులో చిరంజీవి గారు ఇండస్ట్రీకి రాకముందు వీరయ్య అనే వ్యక్తి తనకు సహాయం చేశారని చెప్పారు. కాబట్టి, ఇది సరైన టైటిల్ అని నేను ఫిక్సై పెట్టేశాను, ”అని బాబీ తెలిపారు.
వాల్తేరు వీరయ్య అభిమానుల కంటే ఎక్కువ అని హామీ ఇచ్చాడు. ‘‘మొదట్లో ఓ అభిమానిగా కథ రాశాను. కానీ లాక్‌డౌన్ సమయంలో ప్రజలు ప్రపంచ సినిమాలు చూస్తున్నారని గ్రహించాను. ఒక ఆటోవాలా కూడా OTTలో చాలా కంటెంట్‌ని చూస్తున్నాడు. తర్వాత కథను రీవర్క్ చేసి డెవలప్ చేశాను. రవితేజ పాత్ర కూడా అలా ఆలోచించడం వల్లే వచ్చింది. ఇది పర్ఫెక్ట్ ఫెస్టివల్ ఎంటర్‌టైనర్ అవుతుంది” బాబీ అన్నారు.
ఇవి కూడా చదవండి…
