సల్మాన్ ఖాన్ తర్వాత అమీర్ ఖాన్ను టార్గెట్ చేసింది లారెన్స్ బిష్ణోయ్ గ్యాంగ్. లారెన్స్ బిష్ణోయ్ సోదరుడు అర్జూ బిష్ణోయ్, టైసన్ బిష్ణోయ్ అనే మరో వ్యక్తి ఈ బెదిరింపులకు పాల్పడినట్లు ఆరోపణలు వస్తున్నాయి.ముంబై పోలీసులకు ఇప్పటివరకు అమీర్ ఖాన్ లేదా ఆయన బృందం నుండి ఎలాంటి ఫిర్యాదు అందలేదు.
ఇటీవలే మూడో వివాహం చేసుకున్న బాలీవుడ్ నటుడు అమీర్ ఖాన్కు సోషల్ మీడియాలో వచ్చిన ఒక పోస్ట్ ద్వారా లారెన్స్ బిష్ణోయ్ గ్యాంగ్ నుండి బెదిరింపులు వచ్చినట్లు తెలుస్తోంది. ఈ బెదిరింపు పోస్ట్లో అమీర్ ఖాన్ దేశంలో ‘లవ్ జిహాద్’ను ప్రోత్సహిస్తున్నాడని, అతనిని తాము “సహించబోము” అని పేర్కొన్నారు.
నేను, అర్జూ బిష్ణోయ్ మరియు టైసన్ బిష్ణోయ్ (లారెన్స్ బిష్ణోయ్ గ్రూప్) చెప్పేది ఏంటంటే…అమీర్ ఖాన్ వంటి వ్యక్తులు మన దేశంలో ‘లవ్ జిహాద్’ అని పిలవబడే దానిని ప్రోత్సహిస్తున్నారు, ఇది మన సంస్కృతికి వ్యతిరేకం. మేము ఈ వ్యక్తిని సహించబోము, త్వరలోనే అతను దీని పరిణామాలను ఎదుర్కోవాల్సి వస్తుంది. ఇది సనాతన ధర్మానికి మరియు దేశానికి వ్యతిరేకం అని ఆ పోస్ట్లో రాశారు.
Also Read:‘మహేంద్రగిరి వారాహి’..విజయం సాధించాలి!
గత నెల రాజస్థాన్లోని శ్రీ గంగానగర్లో 13 ఏళ్ల బాలికపై జరిగిన కిడ్నాప్, అక్రమ రవాణా మరియు లైంగిక దాడి ఘటనను కూడా ఆ గ్యాంగ్స్టర్లు ఆ పోస్ట్లో ప్రస్తావించారు. ఈ విషయంలో వేగంగా స్పందించినందుకు యంత్రాంగాన్ని వారు అభినందించారు.