బీజేపీలో చేరిన భిక్షమయ్య గౌడ్

ఆలేరు మాజీ ఎమ్మెల్యే, బూడిద భిక్షమయ్య గౌడ్ బిజేపిలో చేరారు. తెలంగాణ రాష్ట్ర వ్యవహారాల ఇన్చార్జి తరణ్ చుగ్ ఢిల్లీలోని తన నివాసంలో భిక్షమయ్య గౌడ్ కు కాషాయం కండువా కప్పి పార్టీలోకి ఆహ్వానించారు. ఈ కార్యక్రమంలో బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ తోపాటు పలువురు బీజేపీ నాయకులు పాల్గొన్నారు.

ఉమ్మడి ఆంధ్రప్రదేశ్‌లో ఆలేరు ఎమ్మెల్యేగా నల్గొండ జిల్లా కాంగ్రెస్ పార్టీ అధ్యక్షుడిగా పనిచేశారు భిక్షమయ్య గౌడ్. 2014,2018లో టీఆర్ఎస్ అభ్యర్థి గొంగిడి సునీత మహేందర్ రెడ్డి చేతిలో ఓటమిపాలయ్యారు. అనంతరం 2019లో టీఆర్ఎస్‌లో చేరారు.