బిగ్ బాస్ సీజన్ 3 నేటితో ముగియనుంది. బిగ్ బాస్ 3 విజేత ఎవరన్న ఉత్కంఠతతో ఉన్నారు ప్రేక్షకులు. అయితే నేటీతో ఈ షో పూర్తి కాబోతుండడంతో గత రాత్రి బిగ్ బాస్ హౌస్‌లో సంబరాలు జురుపుకున్నారు. ప్రస్తుతం హౌస్‌లో ఫైనల్‌కి చేరిన ఐదుగురు కంటెస్టెంట్స్ మాత్రమే కాకుండా.. ఎలిమినేట్ అయిన 12 మంది కంటెస్టెంట్స్ కూడా తోడు కావడంతో బిగ్ బాస్ హౌస్‌ను ఆట పాటలతో హుషారెత్తిస్తున్నారు. శనివారం నాటి ఎపిసోడ్ విషయానికి వస్తే.. బిగ్ బాస్ సీజన్ 3 రీయూనియన్ రెట్రో పార్టీకి జాఫర్ యాంకర్‌గా వ్యవహరించి ఆటను రంజుగా మార్చారు. జాఫర్‌కి సహాయకుడిగా అతని బాబా భాస్కర్ యాంకర్ అవతారం ఎత్తి 17 బిగ్ బాస్ సీజన్ 3 కంటెస్టెంట్స్‌కి అవార్డుల్ని ప్రకటించారు.
– మిస్టర్ నారద అవార్డ్- మహేష్ విట్టా (ఈ అవార్డు తీసుకోవడం తనకు ఇష్టం లేదని.. టాస్క్ కోసం బిగ్ బాస్ ఇచ్చినా తీసుకోవడం, తీసుకోకపోవడం మన ఇష్టం అంటూ తిరస్కరించాడు మహేష్ విట్టా)
– సూపర్ స్టార్ అవార్డ్- బాబా భాస్కర్ (ఈ అవార్డుని తమన్నా చేతుల మీదుగా అందుకున్నారు బాబా భాస్కర్.
– డివా అవార్డు- వితికా షెరు ( ఈ అవార్డుని వరుణ్ సందేశ్ చేతుల మీదుగా అందుకున్నారు వితికా).
– గ్యాంగ్ లీడర్ అవార్డ్- వరుణ్ సందేశ్ (ఈ అవార్డుని మహేష్ విట్టా చేతుల మీదుగా అందుకున్నారు వరుణ్.
– పటాకా ఆఫ్ హౌస్- శ్రీముఖి (ఈ అవార్డుని రాహుల్ చేతుల మీదుగా అందుకుంది శ్రీముఖి. ఈ అవార్డుని తమన్నా, వితికా, పునర్నవి, శివజ్యోతిలతో కలిసి షేర్ చేసుకుంది.
– మాయలోడు అవార్డు-రవిక్రిష్ణ (ఈ అవార్డుని శివజ్యోతి చేతుల మీదుగా అందుకున్నాడు రవి.
– జలపాతం అవార్డ్- శివజ్యోతి (ఈ అవార్డుని రోహిణి, అషు, రవి, అలీ, హిమజ చేతుల చేతుల మీదుగా అందుకుంది).
– రాక్ స్టార్ అవార్డు- రాహుల్ సిప్లిగంజ్ (ఈ అవార్డుని పునర్నవి, వరుణ్, రాహుల్ చేతుల మీదుగా అందుకున్నారు రాహుల్. అనంతరం పెద్ద పులి సాంగ్‌తో హౌస్‌ని హుషారెత్తించారు రాహల్. నా లైఫ్‌లో ఫస్ట్ టైం రాక్ స్టార్ అవార్డ్ బిగ్ బాస్ ఇచ్చారని ఆనందం వ్యక్తం చేశాడు రాహుల్.
– పక్కా మాస్ అవార్డ్ – నటి హేమ (ఈ అవార్డుని రాహుల్ చేతుల మీదుగా అందించారు. హేమక్కా తోపు అంటూ స్లోగన్స్ ఇస్తూ.. ఓ ముద్దు పెట్టవే జిగేల్ రాణి అంటూ పాట పాడి హుషారెత్తించారు రాహుల్.
– అగ్నిగోళం అవార్డు – పునర్నవి భూపాలం (ఈ అవార్డుని వితికా షెరు చేతుల మీదుగా అందించింది)
– సర్వజ్ఞాని అవార్డు- జాఫర్ బాబు ( ఈ అవార్డుని హేమ చేతుల మీదుగా అందుకున్నారు జాఫర్)
– మెరుపుతీగ అవార్డు- శిల్ప చక్రవర్తి (ఈ అవార్డుని శ్రీముఖి చేతుల మీదుగా అందించాలని బాబా భాస్కర్ కోరగా.. ఈ అవార్డు తీసుకోవడం నాకు ఇష్టం లేదని తిరస్కరించింది. ఈ బిగ్ బాస్ వల్ల నేను బతికే ఉన్నానని తెలిసింది తప్ప ఒరిగిందేం లేదు అంటూ వెటకారంగా మాట్లాడుతూ మూతి బిగించుకుంది శిల్పా. అయితే హేమ వచ్చి ఆమెను కూల్ చేయడంతో శ్రీముఖి చేతుల మీదుగా మెరుపుతీగ అవార్డుని అందుకుంది. అయితే శ్రీముఖి కంగ్రాట్స్ చెప్పడంతో థాంక్స్ అంటూ కాస్త కోపంగానే రియాక్ట్ అయ్యింది. ఎందుకండీ ఈ అవార్డు నాకు అవసరమా? అంటూ నిరుత్సాహం వ్యక్తం చేసింది శిల్ప).
– మిస్టర్ రోమియో అవార్డు – అలీ రెజా (ఈ అవార్డుని రవి క్రిష్ణ చేతుల మీదుగా అందుకున్నారు.
– బెస్ట్ కామెడీ ఛానల్ అవార్డు- రోహిణి ( ఈ అవార్డ్‌ని బాబా భాస్కర్ చేతుల మీదుగా అందుకున్నారు)
– సైలెంట్ కిల్లర్ అవార్డు- అషు రెడ్డి (ఈ అవార్డుని శివజ్యోతి చేతుల మీదుగా అందుకుని సందడి చేసింది అషు).
– బెస్ట్ ఫుటేజ్ క్వీన్ అవార్డు- హిమజ (ఈ అవార్డుని రోహిణి చేతుల మీదుగా అందుకుంది హిమజ.. అనంతరం ఓ సక్కనోడా పాట పాడి ఇంటి సభ్యులతో పాటు ప్రేక్షకుల చెవులకు చిల్లులు పడేలా చేసింది.)
ఈ అవార్డుల కార్యక్రమం ముగిసిన తరువాత బిగ్ బాస్ హౌస్‌ను రికార్డింగ్ డాన్స్ హౌస్‌గా మార్చేశారందరూ. రికార్డింగ్ డాన్స్‌లలో వేసుకునే జిగేల్ మనిపించే పొట్టి డ్రెస్‌లతో బిగ్ బాస్ హౌస్‌ను డాన్స్‌లతో షేక్ చేశారు. పునర్నవి, తమన్నా, వితికా, రోహిణి, హిమజలు ఒకర్నిమంచి ఒకరు పొట్టి పొట్టి బట్టలతో రచ్చ చేశారు.
అనంతరం బిగ్ బాస్ హౌస్ నుండి ఎలిమినేట్ అయిన కంటెస్టెంట్స్ బయటకు వెళ్లే టైం రావడంతో ఎమోషన్ అయ్యారు. ఒకర్నొకరు కౌగిలించుకుని భారంగా బిగ్ బాస్ హౌస్ నుండి బయటకు వచ్చారు. చివర్లో పునర్నవి రాహుల్‌ని దగ్గరకు తీసుకుని ఓ స్వీట్ హగ్ ఇవ్వడం హైలైట్ అయ్యింది. ఇక గ్రాండ్ ఫినాలే కోసం మనోళ్లు ఓ రకంగా సిద్ధమవుతున్నారు. ఆదివారం బిగ్ బాస్ విన్నర్‌ ఎవరో తెలనుంది.
