బిగ్‌బాస్ తెలుగు సీజన్ 10 రోజురోజుకూ ఆసక్తికరంగా మారుతోంది. కొత్త టాస్కులు, ఊహించని గొడవలు, అదిరిపోయే ట్విస్టులతో ప్రేక్షకులకు వినోదాన్ని అందిస్తోంది. నవంబర్ 3న ప్రసారమైన 59వ రోజు ఎపిసోడ్‌లో రివార్డ్స్ అండ్ రివెంజ్ టాస్క్‌తో పాటు ఇంటి సభ్యుల మధ్య మాటల యుద్ధం చోటుచేసుకుంది.
ఎపిసోడ్ ప్రారంభంలోనే ఫ్రిడ్జ్‌లో కూరగాయలు పాడవుతున్నాయనే విషయంపై నీతూ, ముకేశ్, వర్షిణి మధ్య చర్చ జరిగింది. ఉదయాన్నే ముకేశ్ కూరగాయలను బయటకు తీసి చూపించడంతో త్రిగుణ్‌తో వాగ్వాదం మొదలైంది. ఫ్రిడ్జ్ ఎలా ఉపయోగించాలో తెలుసా అంటూ త్రిగుణ్ ప్రశ్నించడంతో ఇద్దరి మధ్య మాటల యుద్ధం జరిగింది.
అనంతరం బిగ్‌బాస్ రివార్డ్స్ అండ్ రివెంజ్ టాస్క్‌ను ప్రకటించారు. ఇందులో రెండు టీమ్‌లుగా విడిపోయిన సభ్యులకు తొలి ఛాలెంజ్ ఇచ్చారు. గెలిచిన వారికి ఫ్యామిలీ వీక్‌లో తమ కుటుంబ సభ్యులను కలిసే అవకాశం ఉంటుందని తెలిపారు. ఈ పోటీలో ముకేశ్, వర్షిణి, శివ, అమన్, నీతూ, రామకృష్ణ, శ్వేత విజయం సాధించారు. అయితే కుటుంబ సభ్యులను కలిసే అవకాశం ఎవరికి ఇవ్వాలనే విషయంలో నిర్ణయం తీసుకోలేక చిట్టీలు వేశారు. చివరకు శ్వేతకు అవకాశం దక్కింది.
మరోవైపు రివెంజ్ కార్డుల్లో వర్షిణి, త్రిగుణ్, ముకేశ్ తదితరుల పేర్లు ఎక్కువగా కనిపించాయి. శ్వేత రివార్డ్ గెలవడంతో రామకృష్ణ కుటుంబ సభ్యులను కలిసే అవకాశం కోల్పోయారు. అనంతరం రెండో టాస్క్‌లో థర్మాకోల్ బాల్స్‌తో పోటీ నిర్వహించారు. ఈ గేమ్‌లో ముకేశ్, సుధీర్ మధ్య తీవ్ర విభేదాలు తలెత్తాయి. ఒకరిని టార్గెట్ చేయాలనే విషయంలో ఇద్దరూ వాదించుకున్నారు.
Also Read:‘ఇట్లు అర్జున’ కోసం ఎన్టీఆర్..!
గేమ్ మధ్యలో అమన్, సుధీర్ మధ్య కూడా గొడవ జరిగింది. ముకేశ్‌తో విభేదాలు పెరగడంతో సుధీర్ తీవ్ర అసహనం వ్యక్తం చేశారు. ఇక చివరి రౌండ్‌లో అమన్‌ను ఓడించి వంశీ విజేతగా నిలిచాడు. ఇలా ఫ్యామిలీ వీక్ రివార్డ్‌తో పాటు ముకేశ్, సుధీర్ గొడవ ఈ ఎపిసోడ్‌లో ప్రధాన హైలైట్స్‌గా నిలిచాయి.