బిగ్ బాస్ 3 హోస్ట్ గా ఎన్టీఆర్?

బుల్లితెర‌పై ప్ర‌సార‌మ‌య్యే బిగ్ బాస్ షో బాగా పాపుల‌ర్ అయిన విష‌యం తెలిసిందే. స్టార్ మా ఛాన‌ల్లో ప్ర‌సార‌యయ్యే బిగ్ బాస్ సీజ‌న్ 1 కు యంగ్ టైగ‌ర్ ఎన్టీఆర్ వ్యాఖ్యాతగా వ్యవహారించారు. ఎన్టీఆర్ యాంక‌ర్ గా చేయ‌డంతో ఈ షోకు మ‌రింత క్రేజ్ ఏర్ప‌డింది. ఈ షో రేటింగ్స్ పెర‌గ‌డానికి ముఖ్య కార‌ణం ఎన్టీఆర్ అనే చెప్పుకోవాలి. ఆ త‌ర్వాత ప్రసార‌మైన సీజ‌న్ 2లో న్యాచుర‌ల్ స్టార్ నాని యాంక‌ర్ గా వ్య‌వ‌హ‌రించారు. త‌న‌దైన శైలిలో నాని ప్రేక్ష‌కుల‌ను అల‌రించారు. త్వ‌ర‌లో బిగ్ బాస్ 3 కూడా ప్రారంభంకానుంది.

అందుకు త‌గ్గట్టుగా ఏర్పాట్లు చేస్తున్నారు బిగ్ బాస్ నిర్వాహ‌కులు. ఇన్ని రోజులు ఉన్న స‌మాచారం ప్ర‌కారం బిగ్ బాస్ సీజ‌న్ 3కి వ్యాఖ్యాత‌గా చిరంజీవి లేదా వెంక‌టేశ్ లు చేస్తార‌ని సోష‌ల్ మీడియాలో వార్త‌లు వ‌చ్చాయి. బిగ్ బాస్ షో నిర్వాహ‌కులు చిరు, వెంక‌టేశ్ తో స‌న్నాహాలు జ‌రుపుతున్నార‌ని స‌మాచారం. తాజాగా ఎన్టీఆర్ పేరు తెర‌పైకి వ‌చ్చింది.

ఎన్టీఆర్ తోనే సీజన్ 3 చేయాల‌నే ఆలోచ‌న‌లో ఉన్నార‌ట బిగ్ బాస్ నిర్వాహకులు. అందుకోసం ఎన్టీఆర్ ను సంప్ర‌దించార‌ట. కొన్ని కండీష‌న్స్ తో ఎన్టీఆర్ అందుకు గ్రీన్ సిగ్న‌ల్ ఇచ్చాడ‌ని తెలుస్తుంది. ప్రస్తుతం ఎన్టీఆర్ .. రాజమౌళి సినిమా చేస్తోన్న సంగతి తెలిసిందే. ఆ షూటింగుకి ఎలాంటి ఇబ్బంది లేకుండా ‘బిగ్ బాస్ 3’ షూటింగును ప్లాన్ చేస్తున్నట్టుగా తెలుస్తోంది. చూడాలి మ‌రి సీజ‌న్ 3కి ఎవ‌రూ వ్యాఖ్యాత‌గా వ్య‌వ‌హ‌రిస్తారో.