‘ఖుషి’.. ‘సింహాద్రి’ లాంటి బ్లాక్ బస్టర్లలో నటించడమే కాక మెగాస్టార్ చిరంజీవి.. నాగార్జున.. వెంకటేష్.. పవన్ కళ్యాణ్.. మహేష్ బాబు.. జూనియర్ ఎన్టీఆర్ లాంటి ఎంతోమంది సూపర్ స్టార్లతో కలిసి సినిమాలు చేసిన నటి భూమిక. కొన్నేళ్ల పాటు తెలుగు సినిమాల్లో హవా సాగించిన భూమిక.. ‘అనసూయ’ లాంటి లేడీ ఓరియెంటెడ్ సినిమాతోనూ మెప్పించింది. ఐతే ఉన్నట్లుండి పెళ్లి చేసుకోవడంతో ఆమెకు అవకాశాలు తగ్గిపోయాయి. ఇండస్ట్రీ నుంచి కనుమరుగైంది. ఇప్పుడామె కొంత విరామం తర్వాత ‘ఎంసీఏ’ సినిమాతో టాలీవుడ్‌లోకి రీఎంట్రీ ఇచ్చింది. ‘ఎంసీఏ’ భూమికకు మరిన్ని అవకాశాలు కూడా తెచ్చిపెట్టేలా ఉంది.
దర్శకుడు చందూ మొండేటి నాగ చైతన్య కాంబినేషన్‌లో ‘సవ్యసాచి’ సినిమా తెరకెక్కుతున్న విషయం తెలిసిందే. చైతూ జోడీగా నిధి అగర్వాల్ నటిస్తోన్న ఈ సినిమాలో ఒక కీలకమైన పాత్ర ఉందట. ఆ పాత్రను ఎవరితో చేయిస్తే బాగుంటుందా అని ఆలోచించిన చిత్ర బృందం తాజాగా భూమికను ఎంపిక చేసినట్టుగా సమాచారం. ‘మిడిల్ క్లాస్ అబ్బాయ్’లో నాని వదినగా మెప్పించిన భూమిక, ఈ సినిమాలోనూ ఛాన్స్ కొట్టేసిందన్న మాట. మైత్రీ మూవీస్ బ్యానర్ పై నిర్మించబడుతోన్న ఈ సినిమాకి కీరవాణి సంగీతాన్ని సమకూర్చుతున్నారు.
,..){kind=link}