Bhumana:వరలక్ష్మీ వ్రతంతో సుఖశాంతులు

వరలక్ష్మీ వ్రతం చేయడం వలన లోకం సుభిక్షంగా ఉంటుందని, అష్ట ఐశ్వర్యాలు, సుఖశాంతులను అమ్మవారు అనుగ్రహిస్తారని టీటీడీ చైర్మన్ భూమన కరుణాకర రెడ్డి అన్నారు. తిరుచానూరు పద్మావతి అమ్మవారి ఆలయ ఆస్థాన మండపంలో శుక్రవారం జరిగిన వరలక్ష్మీ వ్రతంలో చైర్మన్ భూమన కరుణాకర రెడ్డి దంపతులు పాల్గొన్నారు.

ఈ సందర్భంగా మీడియాతో మాట్లాడిన భూమన.. మహాలక్ష్మీ అవతరించిన దివ్యస్థలం తిరుచానూరులో వరలక్ష్మీ వ్రతం ఆచరించడం ఆనవాయితీగా వస్తోందన్నారు. ఆలయం వద్ద ఉన్న ఆస్థాన మండపంలో పాంచరాత్ర ఆగమం ప్రకారం అర్చకులు వరలక్ష్మీ వ్రతాన్ని శాస్త్రోక్తంగా నిర్వహించినట్లు తెలిపారు. భక్తులకు ఎలాంటి ఇబ్బందులు లేకుండా ప్రత్యేక క్యూలైన్లు, అన్నప్రసాదాలు ఇతర ఏర్పాట్లు చేశామన్నారు.

Also Read:బన్నీకి నేషనల్ అవార్డ్.. మహేష్ పై ట్రోల్స్!