యంగ్ రెబల్ స్టార్ ప్రభాస్ హీరోగా సుజీత్ దర్శకత్వంలో తెరకెక్కిన చిత్రం సాహో. బాలీవుడ్ నటి శ్రధ్దాకపూర్ హీరోయిన్ గా నటించింది. బాహుబలి తర్వాత ప్రభాస్ నటిస్తున్న మూవీ కావడంతో భారీ అంచనాలు నెలకొన్నాయి. ప్రభాస్ అభిమానులు ఈసినిమా విడుదల కోసం ఎంతగానో ఎదురుచూస్తున్నారు. సాహో సినిమా ట్రైలర్ నిన్న విడుదల చేశారు చిత్రయూనిట్.
ఈసందర్భంగా నిన్న హైదరాబాద్ తో మీడియా సమావేశం ఏర్పాటు చేశారు చిత్రయూనిట్. ఈ కార్యక్రమంలో హీరో ప్రభాస్, హీరోయిన్ శ్రద్దా కపూర్, నిర్మాతలు పాల్గోన్నారు. భారీ యాక్షన్ తో ఈసినిమాను తెరకెక్కించినట్లు తెలుస్తుంది. పలువురు సాహో ట్రైలర్ పై ప్రశంసల వర్షం కురిపిస్తున్నారు.
ఈసందర్భంగా ప్రభాస్ మాట్లాడుతూ.. ట్రైలర్ చూసిన తరవాత మెగాస్టార్ చిరంజీవి తనకు మెసేజ్ పెట్టారని, అది చూసి తాను వెంటనే ఆయనకి ఫోన్ చేశానని చెప్పారు. ట్రైలర్ చాలా బాగుందని ఆయన చెప్పారన్నారు. చిరంజీవి ట్రైలర్ బాగుందని చెప్పగానే నాకు సంతోషంగా ఉందని చెప్పారు. చిరంజీవి అలా అనడంతోనే సాహో పెద్ద విజయం సాధించిందన్నారు ప్రభాస్. సాహో సినిమా ఆగస్ట్ 30న ప్రపంచవ్యాప్తంగా విడుదలవుతుంది.
